रोमियों 8:5 - चम्बयाली नौआ नियम

^5-6 जे मणू पाप रे स्वभाव रे काबू बिच हिन, से पाप री गल्लां सोचदे, ते इसेरा अंजाम मौत है, पर जे मणू पवित्रात्मा रे काबू बिच हिन, से मणू आत्मिक गल्लां रे बारे बिच सोचदे, ते इसेरा अंजाम सच्ची जिन्दगी ते सांती है।

रोमियों 8:5 ပူးပေါင်းရင်းမြစ်များ

मरकुस 8:33

पर यीशु ने मुड़ी करी अपणे चेल्‍लेयां पास्से दिख्खेया, अते पतरस जो झिड़की करी बोल्लेया, से शैतान, मेरे सामणे का दुर होई जा; “तू परमेश्वर री गल्लां पर नी, पर मणूआं री गलां पर मन लांदा।”

यूहन्ना 3:6

किजोकी इन्सान तां अपणे जदेय इन्सान जो पैदा ही करी सकदा, पर पवित्रात्मा तिसजो इक्क नौई जिन्दगी देई सकदी।

रोमियों 8:9

पर जां कि पवित्रात्मा तुसा रे बिच बसदा, तां तुसा पाप रे स्वभाव रे काबू बिच नी, बल्कि पवित्रात्मा रे काबू बिच रैहन्दे। ते जे अगर कुसकी मणू बिच मसीह रा आत्‍मा नी है, तां से परमेश्वर रा मणू नी है।

1 कुरुन्थियों 15:48

धरती रे मणू से पैल्ले मणू आदम सांई हिन पर जे मणू मसीह यीशु जो मनदे से मणू अप्पु भी तिस्सी सांई हिन जे स्वर्ग का हिन।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

2 कुरुन्थियों 10:3

हालांकि असी इस दुनिया बिच रैहन्दे, पर असी इस दुनिया रे बाकि लोक्कां सांई लड़दे-झगड़दे नी।

गलातियों 5:17

किजोकी सरीर रे बुरे कम्म से कम्म हिन जे पवित्रात्मा नी चाह्‍ंदा कि असी करे। ते तिय्यां ही जे कम्म पवित्रात्मा असा का चाह्‍ंदे, सरीर री बुरी इच्छा से कम्म बिल्कुल भी नी चाह्‍ंदी, किजोकी ए दोन्नों इक्क-दूए रे दुश्मण हिन। इधेरे तांइ तुसा हमेसा से कम्म नी करी सकदे जे तुसा करणा चाह्‍ंदे।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

2 पतरस 2:10

परमेश्वर ने पक्के तौर पर तिन्हा झूठ्ठे शिक्षकां जो सजा दैणी जे मणू अपणी बुरी ते अश्लील इच्छां रे हिसाब कने चलदे ते परमेश्वर जो नक्कारदे। से मणू ढीठ ते घमंडी हिन। से मणू स्वर्ग बिच रैह्णे वाले महिमामय प्राणियां रे बारे बिच गलत गल्लां बोलणे का नी डरदे।