रोमियों 8:4 - चम्बयाली नौआ नियम

⁴ तिन्हा ने ए इधेरे तांइ कित्ता ताकि असी अपणी मर्जी करणे रे बजाए, पवित्रात्मा री गल्ल मन्नी करी मूसा रे कानून जो पूरा करण।

रोमियों 8:4 ပူးပေါင်းရင်းမြစ်များ

लूका 1:6

जकरयाह अते इलीशिबा परमेश्वर री नजरां बिच धार्मिक थिये, ते प्रभु रे सारे हुक्मा ते विधियां पर चलणे वाले थिये।

रोमियों 2:26

ते जे अगर बिना खतने वाले गैर यहूदी मणू कानून जो मन्ने, तां परमेश्वर ने तिन्हा लोक्कां जो खतना कित्ते रे लोक्कां रे बराबर ही दिखणा।

रोमियों 3:31

तां कै मसीह बिच विश्वास करणा मूसा रे कानून जो रद्द करदा? बिल्कुल भी नी, पर विश्वास करणे रे जरिये असी मूसा रे कानून जो पूरा करदे।

2 कुरुन्थियों 10:2

मैं तुसा रे छंदे करदा कि जां मैं तुसा का आं, तां मेरे जो तिन्हा लोक्कां कने कड़ाई कने गल्ल ना करणा पये, जे ए सोचदे कि असी दुनियावी तौर-तरिक्के रे हिसाब कने चलदे।

2 कुरुन्थियों 10:3

हालांकि असी इस दुनिया बिच रैहन्दे, पर असी इस दुनिया रे बाकि लोक्कां सांई लड़दे-झगड़दे नी।

गलातियों 5:16

पर मैं तुसा जो बोलदा कि पवित्रात्मा रे कहे मुताबिक चलो, तां तुसा कुसकी भी तरिक्के कने सरीर री बुरी इच्छा जो पूरा करणे रा मौक्का नी दैणा।

कुलुस्सियों 1:22

अवे परमेश्वर ने अपणे पुत्तर रे मणू रे रुप बिच जन्म लैणे, ते सुली पर कुर्बानी दैणे रे जरिए, तुसा कने भी मेल जोल करी लेया, ताकि तुसा जो अपणी नजर बिच पवित्र, बेकसूर, ते बेगुनाह ठैहराए।

इब्रानियों 12:23

ते परमेश्वर रे पैल्ली औलाद्दां री खुशहाल संगती जिन्हेरे नां स्वर्ग बिच लिख्खे गेरे हिन। ते सारेयां रा फैसला करणे वाले परमेश्वर का, ते सिद्ध कित्ते गेरे धार्मिक लोक्कां री आत्‍मा का स्वर्ग बिच आए रे हिन।

1 यूहन्ना 3:2

ओ मेरे प्यारे दोस्तों, अवे असी परमेश्वर री औलाद हिन, पर कल जो कै हुंगे, ए हल्ले तिकर जाहिर नी होया पर असी ए जाणदे कि जां उसने आणा तां असी भी उसेरे ही सांई होई जाणा किजोकी जदेय से हिन, तिसजो असा तदेया ही दिखणा

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!

प्रकाशित वाक्य 14:5

ते तिन्हा ने कदी भी झूठ नी बोल्लेया, से बेकसूर मणू हिन।