रोमियों 8:34 - चम्बयाली नौआ नियम

³⁴ इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

रोमियों 8:34 ပူးပေါင်းရင်းမြစ်များ

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मरकुस 16:19

प्रभु यीशु उन्हा कने गल्लां करणे का बाद स्वर्ग बिच चुक्की लित्ते गे, ते परमेश्वर रे सज्जे पास्से बेई गे।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 16:23

तिस रोज तुसा मेरे का किच्‍छ नी मंगणा। मैं तुसा रे कने सच-सच बोलदा, जे तुसा मेरे ना कने पिता का जे किच्‍छ भी मंगगे तिन्हा ने तुसा री हर जरुरत जो पूरा करणा।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

रोमियों 14:13

इधेरे तांइ, अग्गे का असी इक्क-दूए पर इल्जाम ना लाण, पर तुसा ए पक्का सोच्ची लेयो कि कोई अपणे संगी विश्वासी तांइ पाप करणे री वजह ना बणे।

रोमियों 14:9

किजोकी मसीह यीशु इधेरे तांइ ही मरे, अते मुर्देयां बिच का जिन्दे भी होई गे, ताकि से मरे रे ते जिन्दे, दोन्नां रे प्रभु ठैहरे।

रोमियों 4:25

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

रोमियों 8:27

ते परमेश्वर जे मन री गल्लां जो जाणदे, से समजी जांदे कि पवित्रात्मा कै बोल्लेया करदे हिन, किजोकी से पवित्र मणूआं तांइ परमेश्वर री इच्छा रे हिसाब कने बिनती करदे।

कुलुस्सियों 3:1

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।