रोमियों 8:32 - चम्बयाली नौआ नियम

³² परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

रोमियों 8:32 ပူးပေါင်းရင်းမြစ်များ

मत्ती 3:17

अते दिख्खो, स्वर्ग बिच का ए अवाज आई कि ए मेरा प्यारा पुत्तर है, “जिस का मैं बड़ा-वरी खुस है।”

मत्ती 7:11

इधेरे तांइ जे चाये तुसा बुरे ही किजो नी हिन, अपणे बच्चेयां जो ठीक चीजां दैणा जाणदे तां तुसा रा पिता परमेश्वर जे स्वर्ग बिच हिन तुसा रे मन्गणे पर ठीक चीजां किजो नी दिंगा?

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

रोमियों 11:21

किजोकी जां परमेश्वर ने अपणी असली डालियां पर दया नी कित्ती, तां जे अगर तुसा घमंड करगे तां परमेश्वर ने तुसा पर भी दया नी करणी।

रोमियों 4:25

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

1 कुरुन्थियों 2:12

पर परमेश्वर ने असा जो अपणी आत्‍मा दित्ते री है, इधेरे तांइ असी दुनिया रे लोक्कां सांई नी सोचदे। ते ए ही वजह है कि असी परमेश्वर री आशीषां जो समजी लिंदे।

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

1 यूहन्ना 4:10

सच्चा प्यार ए है कि असा ने परमेश्वर जो पैल्ले प्यार नी कित्ता पर तिन्हा ने पैल्ले असा जो प्यार कित्ता। परमेश्वर ने अपणे इकलौते मुंडे जो असा रे पाप्पां तांइ कुर्बान करी के दित्तेया ताकि असा जो असा रे पाप्पां का माफी मिल्ले।

प्रकाशित वाक्य 21:7

जिन्हा लोक्कां ने दुष्ट पर जीत हासिल करणी, तिनिए ही मेरे का इन्हा सारी आशीषां जो हासिल करणा। मैं तिसेरा परमेश्वर होणा ते तिनिये मेरा पुत्तर होणा।