रोमियों 8:3 - चम्बयाली नौआ नियम

³ असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

रोमियों 8:3 ပူးပေါင်းရင်းမြစ်များ

मरकुस 15:27

सपाईयां ने यीशु कने दो ड़ाकू, इक्क तिन्हेरे सज्जे अते दुज्जा तिन्हेरे खब्बे पास्से सुली पर चढ़ाई दित्ते।

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 9:24

तां उन्हा ने तिस मणू जो जे अह्ना थिया, दुई वरी सद्दी करी तिसजो बोल्लेया, परमेश्वर री कसम खाई करी सच बोल किजोकी असी तां जाणदे कि से मणू पाप्पी है।

प्रेरितां रे कम्म 13:39

ते जिन्हा गल्लां कने तुसा मूसा रे कानून रे जरिए धार्मिक नी ठैहरी सकदे थिये, तिन्हा सबणी हर इक्क गल्ल कने इक्क विश्वास करणे वाला यीशु रे जरिए धार्मिक ठहरदा।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 6:6

किजोकी असी ए जाणदे कि असा रा पापी स्वभाव मसीह यीशु कने ही सुली पर चढ़ाई दित्तेया गेया थिया, ताकि असा रे सरीर बिच जे पापी स्वभाव है, से मुकी जाओ, ते असी अग्गे जो पाप रा गुलाम ना बणी रैह्ण।

रोमियों 7:18

किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

रोमियों 8:32

परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

रोमियों 9:3

किजोकी मैं यहूदी लोक्कां जो, जे मेरे अपणी जाति रे मणू हिन, छुटकारा दुआणे तांइ श्रापित कित्ते जाणे, ते मसीह का अलग करी दित्ते जाणे तांइ भी तैयार है।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

गलातियों 3:21

इसेरा मतलब ए बिल्कुल भी नी है कि मूसा रा कानून परमेश्वर रे वादेयां रे खिलाफ है। किजोकी जे अगर मूसा रा कानून असा जो हमेसा री जिन्दगी दिंदा तां फिरी असी तिन्हा कानूनां जो मनणे कने धार्मिक ठैहराए जांदे।

फिलिप्पियों 2:7

बल्कि, अपणी सारी ईश्वरीय सहुलतां जो छड्डी करी, अप्पु जो इक्क दास रे बराबर निमता करी लित्ता, ते इक्क मणू रे रुप बिच जन्म लित्ता।

इब्रानियों 10:12

पर मसीह यीशु, जे असा रे बड्डे पुरोत्त हिन, से ता असा रे पाप्पां रे बदले, इक्क ही वरी कुर्बान होए, ते परमेश्वर रे सज्जे पास्से जाई बैठ्ठे।

इब्रानियों 10:14

किजोकी तिन्हा ने इक्क ही वरी कुर्बानी रे जरिए, जिन्हा लोक्कां जो पाप्पां का छुटकारा दित्तेया, तिन्हा जो हमेसा तांइ सिद्व करी दित्तेया।

इब्रानियों 2:14

किजोकी परमेश्वर रे बच्चे इन्सान हिन, जे मांस ते खून कने बणे रे हिन, ते पुत्र भी इन्सान बणेया। किजोकी इक्क इन्सान रे रुप बिच ही से मरी सकदा थिया, ते सिर्फ मरणे रे जरिये ही से शैतान री ताकत जो तोड़ी सकदे थिये, जिस का मौत री ताकत थी।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

1 पतरस 2:24

जां मसीह मरे, तां तिन्हा जो असा रे पाप्पां री सजा तांइ सुली पर चढाया गेया थिया। तिन्हा ने ए इधेरे तांइ कित्तेया थिया ताकि असी पाप करणा छड्डी दैण ते धार्मिकता कने जीणा सुरु करी दैण। जिन्हा जख्मां जो तिन्हा ने सहन कित्तेया, तिन्हेरी वजह कने असी ठीक होए।