रोमियों 8:23 - चम्बयाली नौआ नियम

²³ सिर्फ परमेश्वर री रचना ही नी तड़पेया करदे हिन, पर असी भी, जिन्हा जो परमेश्वर रा पैल्ला दान, पवित्रात्मा, जे परमेश्वर रे वादे री निशानी है, मिलणे रे बावजूद भी तिस दिन री भाल बिच अंदर ही अंदर तड़पेया करदे हिन जां असा जो हर बुराई का छुटकारा मिली जाणा।

रोमियों 8:23 ပူးပေါင်းရင်းမြစ်များ

लूका 20:36

अते फिरी तिन्हा कदी मरणा भी नी, किजोकी से स्वर्गदूत सांई हिन, अते से नौई जिन्दगी बिच फिरी जिन्दे कित्ते गे परमेश्वर री औलाद हुणी

लूका 21:28

जां ए सब गल्लां होणे लग गई तां तुसा खड़े होई करी अपणा सिर उप्परा जो उठाई लेयो किजोकी तुसा रा छुटकारा नेड़े आया करदा हुणा।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

रोमियों 5:3

सिर्फ ए ही नी, पर असी ए सोच्ची करी दुख-तकलिफां सहणे बिच भी खुस हिन, कि दुख-तकलीफ सहणे कने सबर बदधा,

रोमियों 5:5

ते इस आस कने असा जो निराशा नी हुंदी, किजोकी परमेश्वर ने असा जो पवित्रात्मा दित्ते रा है, जे असा रे मन जो परमेश्वर रे प्यार कने भरी दिंदा।

रोमियों 7:24

मैं किन्ना अभागा मणू है। कुनिये मेरे जो परमेश्वर का अलग होणे का बचाणा?

रोमियों 8:19

किजोकी परमेश्वर री सारी रचना बड़ी उम्मीद तिस दिन जो भालेया करदे हिन जां परमेश्वर ने ज़ाहिर करणा कि कुण तिन्हेरे असली औलाद्दां हिन।

1 कुरुन्थियों 1:7

ते इसी वजह कने पवित्रात्मा ने तुसा जो आत्मिक वरदान दित्ते रे हिन जां हल्ले तुसा मणू मसीह यीशु रे हटणे रा इंतजार करेया करदे हिन।

2 कुरुन्थियों 1:22

जिन्हा ने असा पर मौहर भी लाई ते अमानत रे तौर पर असा जो पवित्रात्मा जो दित्ता।

2 कुरुन्थियों 7:5

किजोकी जां असी त्रोआस सहर का निकली करी मकिदुनिया प्रदेश बिच आए थिये तां भी असा जो अराम नी मिल्लेया, पर असा जो चारो पास्से का मुसीबतां कने घिरे रे थिये, बाहर लड़ाईयां थी ते अन्दर ड्रौणी गल्लां थी।

गलातियों 5:5

किजोकी पवित्रात्मा री वजह कने असी विश्वास कने, आस कित्ते री धार्मिकता री भाल रखदे जे परमेश्वर ने तिन्हा लोक्कां जो दैणे रा वादा कित्ते रा ओ जे तिन्हा पर विश्वास करदे।

इफिसियों 1:14

पवित्रात्मा असा तांइ बयाने सांई भी है जे इस गल्ल री पुष्टि करदा कि परमेश्वर ने असा जो से विरासत भी दैणी जिसेरा तिन्हा ने वादा भी कित्ते रा है ते तिन्हा ने असा जो अपणे मणू बणाणे तांइ असा रा मुल भी चुकाए रा है, ताकि तिन्हेरी महिमा री बड़ाई हो।

इफिसियों 4:30

अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

इफिसियों 5:9

किजोकी रौसनी बिच जीणे वाले मणूआं रा स्वभाव हर तरिक्के कने भला, ते धार्मिकता ते भरोसेमंद है।

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

1 यूहन्ना 3:2

ओ मेरे प्यारे दोस्तों, अवे असी परमेश्वर री औलाद हिन, पर कल जो कै हुंगे, ए हल्ले तिकर जाहिर नी होया पर असी ए जाणदे कि जां उसने आणा तां असी भी उसेरे ही सांई होई जाणा किजोकी जदेय से हिन, तिसजो असा तदेया ही दिखणा