रोमियों 8:2 - चम्बयाली नौआ नियम

² किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

रोमियों 8:2 ပူးပေါင်းရင်းမြစ်များ

यूहन्ना 4:10

यीशु ने जवाब दित्ता, जे तू परमेश्वर रे वरदान जो जाणदी जे से तिज्जो दैणा चाह्‍ंदे, कने ए भी नी जाणदी कि से कुण है जे तिज्जो बोलदा, मेरे जो पाणी पिया, तां तू तिसका मंगदी कने से तिज्जो जिन्दगी रा पाणी दिंदा।

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 6:63

आत्‍मा ते जिन्दगी दिंदी, पर सरीर कने किच्‍छ फैदा नी है, जेडी गल्लां मैं तुसा जो बोल्ली, से पवित्रात्मा रे पास्से का है, जे जिन्दगी दिंदा।

यूहन्ना 8:32

तुसा सच्चाई जो जाणो, ते सच्चाई ने तुसा जो अजाद करणा।

यूहन्ना 8:36

इस तांइ जे पुत्तर तुसा जो अजाद करगा, तां सच्ची तुसा अजाद होई जाणा

रोमियों 16:3

प्रिस्किल्ला भैण, ते तिन्हेरे लाड़े अक्विला भ्याल जो मेरा नमस्कार, जे प्रभु यीशु री सेवा करणे बिच मेरे कने कम्म करणे वाले मणू हिन।

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 6:14

तुसा पर पाप रा कोई काबू नी है, किजोकी तुसा मूसा रे कानून रे हेठ नी पर परमेश्वर रे अनुग्रह बिच जिन्दे।

रोमियों 6:18

परमेश्वर ने तुसा जो पाप रे काबू का अजाद कित्तेया, ते अवे तुसा धार्मिक कम्म करणे तांइ परमेश्वर रे गुलाम बणी गेरे हिन।

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

रोमियों 7:21

मैं जिन्दगी रे इस सिद्वांत जो समजे रा है कि जां मैं ठीक कम्म करणा चाह्‍ंदा, तां मेरे का बुरे ही कम्म हुंदे।

रोमियों 7:23

पर मेरे सरीर रे हर हिस्से बिच इक्क इदेइ कानून मिलदा जे मेरे दिल कने परमेश्वर रे कानून रे खिलाफ लड़ेया करदी है, ते ए मेरे जो पाप रे स्वभाव रा गुलाम बणाई रखदा जे हल्ले भी मेरे अंदर है, ते तिस हर इक्क कम्म जो काबू करदा, जे मैं करदा।

रोमियों 7:4

तां ओ मेरे संगी विश्वासियों, जां तुसा मसीह यीशु कने मरी गे, तां तुसा कानूनां रे काबू का अजाद होई गे। अवे तुसा मसीह यीशु रे होई गेरे हिन जे मुर्देयां बिच का जिन्दे होई गेरे हिन ताकि तुसा तिन्हा कने परमेश्वर तांइ धार्मिक जिन्दगी जी सको।

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

2 कुरुन्थियों 3:17

प्रभुता आत्‍मा हिन, अते जित्ते कुते प्रभु रा आत्‍मा है, तित्ते मूसा रे कानून का अजादी है।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 5:1

मसीह यीशु ने असा जो मूसा रे कानून का अजाद करणे तांइ असा जो अजाद कित्ते रा है, इधेरे तांइ पक्के तौर पर अपणी अजादी जो मत गुआंदे, ते दुबारा मूसा रे कानून जो मन्नी करी अप्पु जो गुलाम मत बणदे।

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

याकूब 1:25

पर जे मणू तिस व्यवस्था पर ध्यान करदा रैहन्दा जे अजादी दिंदी, तिस मणू जो अपणे कम्मां बिच इधेरे तांइ आशीष मिलणी किजोकी से सुणी करी भूलदा नी, पर तिसजो पूरे मन कने मनदा।

प्रकाशित वाक्य 11:11

पर साड्डे त्रै रोजां बाद परमेश्वर रे पास्से का जिन्दगी री सांस ने तिन्हा पर पैंठी जाणा, अते तिन्हा अपणे पैरा रे भरे खड़े होई जाणा अते तिन्हा जो दिखणे वालेयां जो बड़ा डर होई गेया

प्रकाशित वाक्य 22:1

तां मेरे जो स्वर्गदूत ने से पाणी दिखाया जे हमेसा री जिन्दगी दैणे वाला पाणी केहलांदा, ते से पाणी सीसा सांई साफ थिया। ते तिस पाणी रा जरिया परमेश्वर रा सिंहासन है जे उरणू रा भी सिंहासन है।