रोमियों 8:13 - चम्बयाली नौआ नियम

¹³ किजोकी जे अगर तुसा पाप रे स्वभाव रे काबू बिच जिन्दगी जिंगे, तां परमेश्वर का बखरे कित्ते जाणे, ते जे अगर तुसा पवित्रात्मा री ताकत कने से कम्म करणा छड्डी देयो जे पाप रे स्वभाव कने हुंदा, तां तुसा ने जीणा।

रोमियों 8:13 ပူးပေါင်းရင်းမြစ်များ

रोमियों 6:21

तुसा पैल्ले बुरे कम्म कित्ते पर अवे तिन्हा पर शर्मिंदा हिन। तुसा जे से कम्म करी के कोई फायदे नी होया किजोकी तिन्हा कम्मां रा अंजाम सिर्फ मौत है।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

रोमियों 7:5

किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

रोमियों 8:12

ओ मेरे संगी विश्वासियों, असा का निभाणे तांइ किच्‍छ जिम्मेदारियां हिन, पर असा रा पाप रा स्वभाव नी चाह्‍ंदा कि असी तिन्हा जो निभाण।

1 कुरुन्थियों 9:27

मैं अपणे सरीर जो कड़े अभ्यास कने काबू बिच रखदा ताकि मैं बुरी इच्छां जो अपणे वस बिच रख्खी सकां। कुते इय्यां ना हो कि मैं जे दूज्जेयां जो प्रचार करेया करदा है, अप्पु ही परमेश्वर का प्रतिफल ना पां।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

गलातियों 6:8

किजोकी जे कोई अपणे सरीर री बुरी इच्छां जो पूरा करदा, तिसेरा अंजाम हमेसा री मौत होणा। ते जे कोई पवित्रात्मा रे कहे मुताबिक चलदा तां पवित्रात्मा तिसजो हमेसा री जिन्दगी दिंदे।

इफिसियों 4:22

कि तुसा जो दस्सेया गेया थिया कि तुसा री बेवकूफी भरी मर्जियां ने तुसा जो बर्बाद करी छडणा ते तुसा जो अपणी जिन्दगी जीणे रे पुराणे तरिक्के जो ते अपणी सारी गलत आदतां जो छड्डी दैणा चाएदा।

इफिसियों 4:30

अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।