रोमियों 8:11 - चम्बयाली नौआ नियम

¹¹ पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

रोमियों 8:11 ပူးပေါင်းရင်းမြစ်များ

यूहन्ना 14:17

मतलब से आत्‍मा, जे लोक्कां जो परमेश्वर रे सच रे बारे बिच एहसास दुआंदी, ते जिस जो दुनिया अपणाई नी सकदी, किजोकी से ना तां तिन्हा जो दिखदा ते से ना तिसजो जाणदा। तुसा तिसजो जाणदे, किजोकी से तुसा रे कने रैहन्दा, ते से तुसा बिच होणा।

यूहन्ना 5:21

जिय्यां पिता, मरे रे लोक्कां जो जिन्दा करदे, तिय्यां ही पुत्तर भी जिन्हा जो चाह्‍ंदा तिन्हा जो फिरी जिन्दा करदा।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

रोमियों 16:10

अपिल्लेस जो मेरा नमस्कार, जिनिये ए साबित कित्तेया कि से मसीह यीशु तांइ किन्ना जादा विश्वासयोग्य है। अरिस्तुबुलुस ते तिसेरे टब्बर जो भी मेरा नमस्कार!

रोमियों 16:3

प्रिस्किल्ला भैण, ते तिन्हेरे लाड़े अक्विला भ्याल जो मेरा नमस्कार, जे प्रभु यीशु री सेवा करणे बिच मेरे कने कम्म करणे वाले मणू हिन।

रोमियों 16:7

भ्याल अन्द्रुनीकुस ते भैण उनियास जो मेरा नमस्कार, जे मेरे यहूदी संगी विश्वासी हिन, ते मेरे कने कैद भी होए थिये, ते प्रेरित मणू तिन्हेरी बड़ी इज्जत करदे। तिन्हा ने मेरे का पैल्ले ही मसीह यीशु बिच विश्वास कित्ता थिया।

रोमियों 16:9

उरबानुस जो मेरा नमस्कार, जे मसीह यीशु री सेवा करणे बिच असा रा साथी है, ते प्यारे इस्तखुस जो भी मेरा नमस्कार!

रोमियों 6:12

इधेरे तांइ तुसा पाप करणे री इच्छां जो अपणी जिन्दगी पर काबू मत करणा देयो, ताकि तुसा पाप री मर्जी रे हिसाब कने जिन्दगी ना जियो।

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

रोमियों 8:12

ओ मेरे संगी विश्वासियों, असा का निभाणे तांइ किच्‍छ जिम्मेदारियां हिन, पर असा रा पाप रा स्वभाव नी चाह्‍ंदा कि असी तिन्हा जो निभाण।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

रोमियों 8:9

पर जां कि पवित्रात्मा तुसा रे बिच बसदा, तां तुसा पाप रे स्वभाव रे काबू बिच नी, बल्कि पवित्रात्मा रे काबू बिच रैहन्दे। ते जे अगर कुसकी मणू बिच मसीह रा आत्‍मा नी है, तां से परमेश्वर रा मणू नी है।

1 कुरुन्थियों 15:16

ते मैं दोबारा बोलदा कि जे अगर मुर्दे जिन्दा नी हुदें तां मसीह यीशु भी जिन्दा नी हिन होए ए।

1 कुरुन्थियों 6:14

परमेश्वर ने अपणी ताकत कने असा जो मुर्देयां बिच का जिन्दा करी दैणा जिय्यां कि तिन्हा ने मसीह यीशु जो भी मुर्देयां बिच का फिरी जिन्दा कित्तेया थिया।

2 कुरुन्थियों 4:11

हाँ, असी हमेसा मौत रे खतरे बिच रैहन्दे किजोकी असी मसीह यीशु रा सुब बसेख सुणांदे ताकि मसीह यीशु री जिन्दगी असा रे कम्मां रे जरिये लोक्कां पर ज़ाहिर हो।

2 कुरुन्थियों 4:14

अते ए जाणदे कि जिनिये प्रभु यीशु जो मरे रे लोक्कां बिच का जिंदा कित्तेया, तिन्हा ने ही असा जो भी तिय्यां ही जिंदा करणा, ते परमेश्वर ने असा जो तुसा कने कठ्ठे करी के लेई आणा ते असी तिन्हेरी मौजुदगी बिच हाजिर रैह्ण।

2 कुरुन्थियों 5:4

ते असी इस सरीर बिच रैहन्दे होए जे इस दुनिया बिच असा रे तम्बू सांई है, बोझ कने किल्दे रैहन्दे, किजोकी असी अपणे इस दुनिया रे सरीर जो उतारणा नी चाह्‍ंदे पर स्वर्गीय सरीर जो भी पाई लैणा चाह्‍ंदे, ताकि असा रे नौए स्वर्गीय सरीर असा रे इन्हा शरीरां कने बदली जाए जे इक्क दिन मुकी जाणे।

गलातियों 6:8

किजोकी जे कोई अपणे सरीर री बुरी इच्छां जो पूरा करदा, तिसेरा अंजाम हमेसा री मौत होणा। ते जे कोई पवित्रात्मा रे कहे मुताबिक चलदा तां पवित्रात्मा तिसजो हमेसा री जिन्दगी दिंदे।

फिलिप्पियों 3:21

तिन्हा ने अपणी तिस्सी ताकत कने जिस कने तिन्हा ने हर चीज पर अपणा काबू करी लैणा, असा रे कमजोर इन्सानी शरीरां जो बदली करी तिन्हा जो अपणे महिमामय सरीर सांई बणाई दैणा।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 11:11

पर साड्डे त्रै रोजां बाद परमेश्वर रे पास्से का जिन्दगी री सांस ने तिन्हा पर पैंठी जाणा, अते तिन्हा अपणे पैरा रे भरे खड़े होई जाणा अते तिन्हा जो दिखणे वालेयां जो बड़ा डर होई गेया