रोमियों 8:10 - चम्बयाली नौआ नियम

¹⁰ जे अगर मसीह तुसा बिच वास करदे, तां भले ही पाप री वजह कने सरीर रे मरी जाणे पर भी, पवित्रात्मा तुसा जो जिन्दगी दिंदी, किजोकी तुसा परमेश्वर रे सामणे धार्मिक ठैहराए गेरे हिन।

रोमियों 8:10 ပူးပေါင်းရင်းမြစ်များ

यूहन्ना 14:23

यीशु ने तिसजो जवाब दित्तेया, जे कोई मेरे कने प्यार रखगा तिनिये मेरे शिक्षा जो मनणा, ते मेरे पिता ने तिस कने दाह-पीड़ रखणी ते असा तिसका आणा, ते तिसेरे कन्ने रैह्णा।

यूहन्ना 15:5

मैं अंगूर री बेल है, तुसा डाली हिन जे मेरे कने जुड़ी रैहन्दा अते मैं तिस कने, से बड़ा फलदा, किजोकी मेरे का बखरे होई करी तुसा किच्‍छ नी करी सकदे

यूहन्ना 17:23

मैं उन्हा बिच होणा ते तुसा मेरे बिच होणा, ताकि से सिद्व होई करी इक्क होई जाण, अते दुनिया जाणी जाये कि तुसा ने मेरे जो भेज्जेया है ते तुसा ने उन्हा कने भी तिय्यां प्यार कित्तेया जिय्यां मेरे कने प्यार करदे हिन

यूहन्ना 4:14

पर जे कोई तिस पाणी बिच का पिन्गा, जे मैं तिसजो दैणा, तिसजो फिरी कदी भी प्यास नी लगणी पर जे पाणी मैं तिसजो दैणा, तिसेरा उस मणू अन्दर इक्क सोता बणी जाणा जे हमेसा तिकर रैह्णा।

यूहन्ना 6:54

जे कोई मेरा सरीर खान्दा, कने मेरा खून पीन्दा, हमेसा री जिन्दगी तिसेरी है, कने मैं अन्त रे दिना फिरी तिसजो जिन्दा करणा।

यूहन्ना 6:56

जे मेरा सरीर खान्दा ते मेरा खून पीन्दा, तिनिये हमेसा तिकर मेरे अन्दर बणी रैह्णा, ते मैं तिस बिच

रोमियों 5:12

जिय्यां कि परमेश्वर रे बणाए रे इक्क मणू, आदम री वजह कने पाप दुनिया बिच आया, ते से पाप करणे री वजह कने से मरेया, ते इसी तरिक्के कने लोक्कां रे पाप करणे री वजह कने मौत सारेयां बिच फैल्ली गयी, किजोकी आदम री सतांन होणे री वजह कने से पापी स्वभाव असा सारेयां बिच चलदा रेया।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

1 कुरुन्थियों 15:45

पवित्रशास्त्र बिच इय्यां भी लिख्खे रा है, “पैल्ला मणू, मतलब आदम जिन्दा मणू बणेया, ते आखरी आदम, जे मसीह यीशु हिन, हमेसा री जिन्दगी दैणे वाला बणेया।”

2 कुरुन्थियों 13:5

अपणे आप जो परखो ते समझो कि मसीह यीशु बिच तुसा रा विश्वास सच्चा है या नी। तुसा पक्के तौर पर जाणदे कि मसीह यीशु तुसा बिच वास करदे; ते जे अगर तुसा बिच वास नी करदे, तां तुसा रा विश्वास सच्चा नी है।

2 कुरुन्थियों 4:11

हाँ, असी हमेसा मौत रे खतरे बिच रैहन्दे किजोकी असी मसीह यीशु रा सुब बसेख सुणांदे ताकि मसीह यीशु री जिन्दगी असा रे कम्मां रे जरिये लोक्कां पर ज़ाहिर हो।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

इफिसियों 3:17

मैं प्रार्थना करदा कि तुसा रे दिल मजबूत होई जाण ताकि जिय्यां तुसा मसीह यीशु पर विश्वास करण तिय्यां ही से तुसा रे दिल बिच बसी रैह्ण ते परमेश्वर ते बाकि लोक्कां तांइ तुसा रा प्यार तुसा जो मजबूत बणाई रख्खे।

फिलिप्पियों 1:23

किजोकी मैं इन्हा दोन्नां इच्छा बिच उलझी गे रा है: मैं तां चाह्‍ंदा कि मैं इस जिन्दगी जो छड्डी करी मसीह यीशु कने रैह्णे तांइ चली जां,

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

1 थिस्सलुनीकियों 4:16

किजोकी प्रभु यीशु ने अप्पु ही स्वर्ग का उतरणा ते जोर सणे ललकार होणी ते प्रधान दूत री अवाज सुनिणी ते परमेश्वर री तुरही बजाई जाणी, ते जे विश्वासी मणू मरी चुके रे होणे, पैल्ले तिन्हा सारेयां जो फिरी जिन्दा कित्तेया जाणा।

इब्रानियों 12:23

ते परमेश्वर रे पैल्ली औलाद्दां री खुशहाल संगती जिन्हेरे नां स्वर्ग बिच लिख्खे गेरे हिन। ते सारेयां रा फैसला करणे वाले परमेश्वर का, ते सिद्ध कित्ते गेरे धार्मिक लोक्कां री आत्‍मा का स्वर्ग बिच आए रे हिन।

इब्रानियों 9:27

जिय्यां हर इक्क मणू रा इक्क वरी मरणा, ते फिरी परमेश्वर का तिन्हेरा हिसाब-किताब होणा तय है,

प्रकाशित वाक्य 14:13

फिरी मैं स्वर्ग का ए अवाज सूणी, “इन्हा गल्लां जो लिख्खी लै, अब्बे का लेई करी से मणू धन्न हिन जे परमेश्वर बिच विश्वास करदे होए ही मरे। फिरी पवित्रात्मा ने इस गल्ल जो ए बोल्ली करी पक्का कित्तेया, ए सच है। से धन्न हिन किजोकी तिन्हा ने अवे अपणी मैहनत रे कम्म का अराम करणा, तिन्हा जो तिन्हेरे कित्ते रे कम्मां तांइ ईनाम दित्तेया जाणा।”