रोमियों 7:9 - चम्बयाली नौआ नियम

⁹ पैल्ले मैं मूसा रे कानून जो जाणे बगैर जिन्दा थिया, पर जां मैं मूसा रा कानून जाणेया, तां पाप ने मेरे पर काबू करणा सुरु करी लित्तेया, ते मैं परमेश्वर का बखरा होई गेया।

रोमियों 7:9 ပူးပေါင်းရင်းမြစ်များ

मत्ती 19:20

तिस जुआन मणू ने यीशु जो बोल्लेया, इन्हा सब गल्लां जो तां मैं सच्चे मनां कने पूरा करदा ही है अवे मेरे अन्दर कुस गल्ले रा घाट्टा है?

लूका 15:29

पर से अपणे प्यो जो बोल्णा लगेया, कि मैं तां मते सालां का तुसा कन्ने ईमानदारी कने कम्म करेया करदा है ते अज्ज तांइ तुसा री कोई गल्ल नी टाली, पर तुसा मेरे तांइ कदी छोटी-मोटी धाम भी नी पाई

लूका 18:21

तिस मणू ने बोल्लेया, जां मैं हल्का थिया, तां दा मैं ए सारे हुकमा जो मन्या करदा आया है!

रोमियों 10:5

मूसा रा कानून, परमेश्वर री नजर बिच धार्मिक ठैहरणे रे बारे बिच पवित्रशास्त्र बिच ए लिखदा, “जे मणू इन्हा गल्लां जो मनदा, तिनिये तिन्हा री वजह कने जिन्दे रैह्णा।”

रोमियों 7:10

ते से ही कानून जे मेरे जो जिन्दगी दैणे तांइ थिया, से ही कानून मेरे मौत री सजा री वजह बणी गेया।

रोमियों 7:11

किजोकी पाप ने मूसा रे कानून रा फायदा चुक्की करी मेरे जो धोखा दित्ता, तिस ही पाप ने मेरे जो परमेश्वर का बखरा कर दित्ता।

रोमियों 7:4

तां ओ मेरे संगी विश्वासियों, जां तुसा मसीह यीशु कने मरी गे, तां तुसा कानूनां रे काबू का अजाद होई गे। अवे तुसा मसीह यीशु रे होई गेरे हिन जे मुर्देयां बिच का जिन्दे होई गेरे हिन ताकि तुसा तिन्हा कने परमेश्वर तांइ धार्मिक जिन्दगी जी सको।

रोमियों 7:6

पर अवे असी कानूनां रे काबू बिच नी हिन जिस ने असा जो कैदियां सांई रख्खे रा थिया, किजोकी असी तिस तांइ मरी गेरे हिन। अवे असी परमेश्वर री सेवा कानूनां जो मनणे रे पुराणे तरिक्के कने नी, पर पवित्रात्मा बिच जीणे कने करी सकदे।

रोमियों 7:8

पर पाप ने मूसा रे कानून रा फायदा चुक्की करी मेरे अंदर हर तरिक्के रा लालच पैदा कित्ता! अगर कोई कानून नी हुंदा, तां पाप ने इक्क मुर्दे रे बराबर होणा थिया।

रोमियों 8:7

किजोकी पाप रे स्वभाव रे काबू बिच रैह्णा ता परमेश्वर कने दुश्मणी रखणा है, किजोकी पाप रा स्वभाव ना परमेश्वर रे कानून रे हेठ है, ते ना ही होई सकदा।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”