रोमियों 7:8 - चम्बयाली नौआ नियम

⁸ पर पाप ने मूसा रे कानून रा फायदा चुक्की करी मेरे अंदर हर तरिक्के रा लालच पैदा कित्ता! अगर कोई कानून नी हुंदा, तां पाप ने इक्क मुर्दे रे बराबर होणा थिया।

रोमियों 7:8 ပူးပေါင်းရင်းမြစ်များ

मरकुस 7:22

व्यभिचार, लालच, बुराई करणा, धोखा, लुचपन, हिर्स, चुगली, घमंड, अते बेफकुफी।

यूहन्ना 15:22

जे मैं नी आंदा अते तिन्हा कने गल्लां नी करदा तां से कुसकी भी पाप रे कसुरवार नी हुन्दे पर अवे तिन्हा का तिन्हेरे पाप्पां तांइ कोई भी भाह्ना नी ए

यूहन्ना 15:24

जे मैं तिन्हेरे बिच से चिन्हा-चमत्कार नी दसदा, जे कुसकी ने भी नी कित्ते, तां से पाप रे कसुरवार नी हुन्दे, पर अवे जां से दिख्खी चुके रे हिन तां भी मेरे कने अते मेरे पिता दोन्नां का नफरत करदे हिन।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 7:11

किजोकी पाप ने मूसा रे कानून रा फायदा चुक्की करी मेरे जो धोखा दित्ता, तिस ही पाप ने मेरे जो परमेश्वर का बखरा कर दित्ता।

रोमियों 7:13

तां कै से कानून जे ठीक हिन, मेरे मरणे री वजह बणी? बिल्कुल भी नी! पर पाप तिस ठीक कानून रा फायदे चुक्की करी मेरे तांइ मौत री सजा रा वजह बणेया, ताकि असी जाणी सके कि हकीकत बिच पाप बड़ा ही बुरा है।

रोमियों 7:17

तां ऐसे हाल बिच से बुरा कम्म करणे वाला मैं नी बल्कि पाप है, जे मेरे बिच बसे रा है।

रोमियों 7:9

पैल्ले मैं मूसा रे कानून जो जाणे बगैर जिन्दा थिया, पर जां मैं मूसा रा कानून जाणेया, तां पाप ने मेरे पर काबू करणा सुरु करी लित्तेया, ते मैं परमेश्वर का बखरा होई गेया।

1 कुरुन्थियों 15:56

मौत री ताकत पाप है, ते पाप री ताकत कानून है।