रोमियों 7:7 - चम्बयाली नौआ नियम

⁷ तां असी कै बोलण? कै मूसा रा कानून पाप है? बिल्कुल भी नी! बल्कि मूसा रे कानून री वजह कने ही मैं अपणे पाप जो पैछाणेया: मूसा रा कानून अगर नी बोलदा, कि लालच मत कर, तां मैं नी जाणना थिया कि लालच करणा पाप है।

रोमियों 7:7 ပူးပေါင်းရင်းမြစ်များ

मत्ती 5:28

पर मैं तुसा जो ए बोलदा, कि जे कोई कुसकी जनानी जो गंदी नजर कने दिखदा तां से अपणे मनां अन्दर पैल्ले ही तिस कने व्यभिचार करी चुक्केया।

लूका 12:15

फिरी यीशु ने बोल्लेया, ध्यान रख्खो, कि तुसा कुसकी भी चीज रा लालच मत करदे, किजोकी कुसकी रे जिन्दगी री बराबरी तिसेरी जमीन-जायेदात रे बाध्धे होणे कने नी कित्ती जान्दी

लूका 20:16

यीशु ने बोल्लेया, तिन्ने आई करी तिन्हा जिमीदारां जो मारी दैणा, अते अंगूरा रे बगीचे रा ठेका कुसकी होरणी जो देई दैणा ए सुणी करी मणूआं ने बोल्लेया, परमेश्वर ना करे कि इय्यां कदी हो

प्रेरितां रे कम्म 20:33

मैं कुसकी रे चाह्‍ंदी, सोन्ने या कपड़े रा लालच नी कित्तेया

रोमियों 13:9

किजोकी मूसा रे कानून बिच इदेय मते सारे हुकम हिन, जिय्यां, “व्याभिचार नी करणा, खून नी करणा, चोरी नी करणी, लालच नी करणा, ते इन्हा हुकमां रे अलावा इन्हा सारे हुकमां रा निचोड़ इस हुकम बिच है, अपणे पड़ोसी कने अप्पु बराबर प्यार रख।”

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 3:5

जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।)

रोमियों 4:1

तां फिरी असा जो यहूदी होणे रे नाते अपणे पुरखे अब्राहम रे बारे बिच कै बोलणा चाएदा? कुस वजह कने तिन्हा जो धार्मिक गिणेया गेया?

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 6:15

किजोकी असी जाणदे कि असी मूसा रे कानून रे हेठ नी पर परमेश्वर रे अनुग्रह बिच जिन्दे, इधेरे तांइ असा जो पाप बिच जिन्दगी नी जीणी चाएदी।

रोमियों 7:11

किजोकी पाप ने मूसा रे कानून रा फायदा चुक्की करी मेरे जो धोखा दित्ता, तिस ही पाप ने मेरे जो परमेश्वर का बखरा कर दित्ता।

रोमियों 7:13

तां कै से कानून जे ठीक हिन, मेरे मरणे री वजह बणी? बिल्कुल भी नी! पर पाप तिस ठीक कानून रा फायदे चुक्की करी मेरे तांइ मौत री सजा रा वजह बणेया, ताकि असी जाणी सके कि हकीकत बिच पाप बड़ा ही बुरा है।

रोमियों 7:5

किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

रोमियों 7:8

पर पाप ने मूसा रे कानून रा फायदा चुक्की करी मेरे अंदर हर तरिक्के रा लालच पैदा कित्ता! अगर कोई कानून नी हुंदा, तां पाप ने इक्क मुर्दे रे बराबर होणा थिया।

1 कुरुन्थियों 15:56

मौत री ताकत पाप है, ते पाप री ताकत कानून है।

इफिसियों 5:3

किजोकी तुसा परमेश्वर रे अपणे मणू हिन इधेरे तांइ तुसा बिच व्यभिचार ते कुसकी तरिक्के रे बुरे कम्म या लालच री गल्ल-बात भी ना हो।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

इब्रानियों 7:19

किजोकी मूसा रा कानून कुसकी जो भी सिद्व नी बणाई सकेया, पर तिस्सी समय पर, असा जो तिसका जादा ठीक आस दित्ती गयी, जे असा जो परमेश्वर रे करीब लै जाई सकदा।