रोमियों 7:5 - चम्बयाली नौआ नियम

⁵ किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

रोमियों 7:5 ပူးပေါင်းရင်းမြစ်များ

मत्ती 15:19

किजोकी बुरी गल्लां, खून करणा, बगैर ब्याहतिरी जनानी कने व्यभिचार, पराई जनानी नाजायज़ रिस्ता, व्यभिचार, चोरी, झूठ्ठी गुवाई, बेजती करणा जदेई बुराईयां दिल का ही निकलदी।

यूहन्ना 3:6

किजोकी इन्सान तां अपणे जदेय इन्सान जो पैदा ही करी सकदा, पर पवित्रात्मा तिसजो इक्क नौई जिन्दगी देई सकदी।

रोमियों 1:26

इस तांइ परमेश्वर ने तिन्हा जो अपणे गंदे कम्म करणे री इच्छा पर छड्डी दित्तेया, इत्ते तिकर की जनानियां ने आदमियां कने अपणे कुदरती रिश्ते जो छड्डी करी दूज्जी जनानियां कने शारीरिक सम्बध बणाया।

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 6:13

अते अपणे जिस्म रे कुसकी भी अंग जो बुरे कम्मां री सेवा करणे तांइ हवाले मत करो, बल्कि, अप्पु जो पूरे तरिक्के कने परमेश्वर रे हवाले करी देयो। किजोकी तुसा मरी गे थिये, पर अवे तुसा का नौई जिन्दगी है। इधेरे तांइ अपणे पूरे जिस्म जो इक्क औजार रे तौर पर परमेश्वर री महिमा तांइ इस्तेमाल करो।

रोमियों 6:19

तुसा री आत्मिक गल्लां जो समजणे री कमी री वजह कने मैं आमतौर री जिन्दगी बिच का ए उदारण देया करदा है, कि जिय्यां तुसा अपणे जिस्म रे हिस्सेयां जो गलत ते अधार्मिक कम्म करणे तांइ गुलाम्मां सांई सौंप्पि दित्तेया थिया, तिय्यां ही अवे अप्पु जो धार्मिकता रे कम्म करणे तांइ सौंप्पि देयो, ताकि तुसा पवित्र जिन्दगी जी सको।

रोमियों 6:21

तुसा पैल्ले बुरे कम्म कित्ते पर अवे तिन्हा पर शर्मिंदा हिन। तुसा जे से कम्म करी के कोई फायदे नी होया किजोकी तिन्हा कम्मां रा अंजाम सिर्फ मौत है।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

रोमियों 7:23

पर मेरे सरीर रे हर हिस्से बिच इक्क इदेइ कानून मिलदा जे मेरे दिल कने परमेश्वर रे कानून रे खिलाफ लड़ेया करदी है, ते ए मेरे जो पाप रे स्वभाव रा गुलाम बणाई रखदा जे हल्ले भी मेरे अंदर है, ते तिस हर इक्क कम्म जो काबू करदा, जे मैं करदा।

1 कुरुन्थियों 15:56

मौत री ताकत पाप है, ते पाप री ताकत कानून है।

2 कुरुन्थियों 10:3

हालांकि असी इस दुनिया बिच रैहन्दे, पर असी इस दुनिया रे बाकि लोक्कां सांई लड़दे-झगड़दे नी।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

इफिसियों 2:11

इधेरे तांइ याद रख्खो, कि तुसा पैदाइसी गैर यहूदी हिन ते यहूदी मणू तुसा रा इस गल्ल तांइ मजाक उड़ांदे। से इस गल्ल तांइ तुसा रा मजाक उड़ांदे किजोकी तिन्हेरा खतना होए रा है पर तुसा रा खतना नी होए रा है, पर तिन्हेरी ए रीति सिर्फ सरीर पर ही लागू हुंदी।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

याकूब 1:15

फिरी जां बुरे कम्म करणे री इच्छा बदधी तां मणू पाप करदे; ते जां मणू पाप करदे तां तिसेरा नतीज्जा हमेसा री मौत हुंदा।

याकूब 4:1

तुसा बिच लड़ाई-झगड़े सिर्फ तिन्हा एशो-अराम री वजह कने आई गेरे हिन जे तुसा रे बिच लड़दे-भिड़दे रैहन्दे।

1 यूहन्ना 3:4

जे कोई पाप करदा रैहन्दा, से परमेश्वर रे नियम जो तोड़दा। किजोकी हर तरिक्के रा पाप परमेश्वर रे नियम खिलाफ है।