रोमियों 7:18 - चम्बयाली नौआ नियम

¹⁸ किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

रोमियों 7:18 ပူးပေါင်းရင်းမြစ်များ

मत्ती 15:19

किजोकी बुरी गल्लां, खून करणा, बगैर ब्याहतिरी जनानी कने व्यभिचार, पराई जनानी नाजायज़ रिस्ता, व्यभिचार, चोरी, झूठ्ठी गुवाई, बेजती करणा जदेई बुराईयां दिल का ही निकलदी।

लूका 11:13

बुरे स्वभाव रे मणू हुन्दे-सुन्दे भी तुसा जो पता है कि अपणे बच्चेयां जो ठीक चीजां किय्यां दित्ती जान्दी, तां अवे तुसा अप्पु सोच्चो कि असा रा स्वर्ग अन्दर रैह्णे वाला परमेश्वर अपणे मंगणे वालेयां जो खुसी कने पवित्रात्मा किजो नी दिंगा

यूहन्ना 3:6

किजोकी इन्सान तां अपणे जदेय इन्सान जो पैदा ही करी सकदा, पर पवित्रात्मा तिसजो इक्क नौई जिन्दगी देई सकदी।

रोमियों 13:14

बल्कि प्रभु यीशु मसीह जो इक्क कवच सांई पाई लेयो, ते अपणी पाप रे स्वभाव कने जिन्दगी मत जियो।

रोमियों 7:15

ते जे कम्म मैं करदा तिसजो नी जाणदा, किजोकी जे मैं चाह्‍ंदा से नी करदा, पर जिस कम्म का मेरे जो घिन्न आंदी से ही कम्म करदा।

रोमियों 7:19

किजोकी मैं जे ठीक कम्म जो करणा चाह्‍ंदा, से ता मैं करदा नी, पर जे बुरे कम्म मैं नी करणा चाह्‍ंदा, से ही करदा।

रोमियों 7:25

मैं परमेश्वर रा शुक्रिया करदा कि तिन्हा ने मेरे जो मसीह यीशु रे जरिये छुड़ाई लित्ता। हालांकि अपणे पाप रे स्वभाव री वजह कने मैं पाप रा गुलाम है, पर मैं अपणे मन कने परमेश्वर रे कानून जो मनणा चाह्‍ंदा।

रोमियों 7:5

किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

गलातियों 5:17

किजोकी सरीर रे बुरे कम्म से कम्म हिन जे पवित्रात्मा नी चाह्‍ंदा कि असी करे। ते तिय्यां ही जे कम्म पवित्रात्मा असा का चाह्‍ंदे, सरीर री बुरी इच्छा से कम्म बिल्कुल भी नी चाह्‍ंदी, किजोकी ए दोन्नों इक्क-दूए रे दुश्मण हिन। इधेरे तांइ तुसा हमेसा से कम्म नी करी सकदे जे तुसा करणा चाह्‍ंदे।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

फिलिप्पियों 2:13

किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

फिलिप्पियों 3:12

मैं ए नी बोलदा कि मैं ए सारी चीजां पाई चुके रा है या मैं सिद्व होई चुके रा है, पर मैं पूरी कोसीस करदे होए अग्गे बदेया करदा है ताकि मैं सिद्वता रे रस्ते पर बेहतर बणदा जां, जिस तांइ मसीह ने मेरे जो चुणेया थिया।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 पतरस 4:2

इसेरे अंजाम रे तौर पर तिस मणू ने इस दुनिया बिच अपणी बाकि री जिन्दगी अपणे सरीर री बुरी इच्छा जो पूरा करदे होए नी बिताणी, पर तिसने से ही कम्म करणा जे परमेश्वर तिसका करवाणा चाह्‍ंदे।