रोमियों 7:14 - चम्बयाली नौआ नियम

¹⁴ असी जाणदे कि मूसा रा कानून तां आत्मिक है, पर मैं सिर्फ इक्क इन्सान है, ते पाप रे हत्थां गुलाम बणाई करी बेच्चेया गे रा है।

रोमियों 7:14 ပူးပေါင်းရင်းမြစ်များ

मत्ती 16:23

तां यीशु ने मुड़ी करी पतरस जो बोल्लेया, ओ शैतान, मेरे सामणे का दुर होई जा तू मेरे तांइ इक्क अड़चन है किजोकी तू परमेश्वर री गल्लां पर नी, पर मणूआं री गल्लां पर मन लगादां।

मत्ती 18:25

पर जां तिसका उधार चुकाणे तांइ किच्‍छ नी थिया तां उसेरे राज्जे ने हुकम दित्तेया कि, तिसजो अते उसेरे लाड़ी-बच्चे, ते जे किच्‍छ तिसका है, सब बेच्ची करी उधार पूरा कित्तेया जाये।

मत्ती 5:22

पर मैं तुसा जो बोलदा कि जे कोई अपणे भाई पर गुस्सा करगा, तिसजो सजा मिलणी, अते जे कोई अपणे भाई जो निकम्मा बोल्ले तिसजो कचेरी बिच सजा दित्ती जाणी, अते जे कोई अपणे भ्याल जो बेवकूफ बोलगा, तिसजो नरक री आग्ग बिच पाया जाणा।

मत्ती 5:28

पर मैं तुसा जो ए बोलदा, कि जे कोई कुसकी जनानी जो गंदी नजर कने दिखदा तां से अपणे मनां अन्दर पैल्ले ही तिस कने व्यभिचार करी चुक्केया।

लूका 5:8

ए सब किच्‍छ दिख्खी करी शमौन पतरस यीशु रे पैरा पेई करी बोलणा लगेया, ओ प्रभु जी, मेरे का दुर चली जाओ, किजोकी मैं तां इक्क पापी मणू है।

लूका 7:6

यीशु तिन्हा कन्ने चली पे, ते जां से सूबेदार रे घर रे नेड़े पूज्जे तां सूबेदार ने अपणे मित्तरां का ए गलाई भेजया, कि ओ प्रभु जी, तुसा मेरे घरे आणे री तकलीफ मत करो, किजोकी मैं इस जोग्गा नी है, कि तुसा मेरे घरे आण।

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 6:6

किजोकी असी ए जाणदे कि असा रा पापी स्वभाव मसीह यीशु कने ही सुली पर चढ़ाई दित्तेया गेया थिया, ताकि असा रे सरीर बिच जे पापी स्वभाव है, से मुकी जाओ, ते असी अग्गे जो पाप रा गुलाम ना बणी रैह्ण।

रोमियों 7:18

किजोकी मैं जाणदा कि मेरे पापी स्वभाव बिच कोई ठीक गल्ल नी है। मैं ठीक कम्म करणा ता चाह्‍ंदा पर से मेरे का नी हुदें।

गलातियों 4:3

तिय्यां ही असी भी जां तिकर बच्चे थिये, तां दुनिया री सुरुआती शिक्षा रे वस बिच होई करी इक्क गुलाम सांई थिये।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

इब्रानियों 4:12

किजोकी परमेश्वर रा वचन जिन्दा, असरदार ते कुसकी भी दोधारी तलवार का जादा पैन्ना है, से आत्‍मा ते प्राण, ते जिस्म रे जोड़ां ते चर्बी रे आरपार छेदी रखदा, ते मन री इच्छा ते गल्लां जो परखदा।