रोमियों 7:11 - चम्बयाली नौआ नियम

¹¹ किजोकी पाप ने मूसा रे कानून रा फायदा चुक्की करी मेरे जो धोखा दित्ता, तिस ही पाप ने मेरे जो परमेश्वर का बखरा कर दित्ता।

रोमियों 7:11 ပူးပေါင်းရင်းမြစ်များ

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 7:13

तां कै से कानून जे ठीक हिन, मेरे मरणे री वजह बणी? बिल्कुल भी नी! पर पाप तिस ठीक कानून रा फायदे चुक्की करी मेरे तांइ मौत री सजा रा वजह बणेया, ताकि असी जाणी सके कि हकीकत बिच पाप बड़ा ही बुरा है।

रोमियों 7:8

पर पाप ने मूसा रे कानून रा फायदा चुक्की करी मेरे अंदर हर तरिक्के रा लालच पैदा कित्ता! अगर कोई कानून नी हुंदा, तां पाप ने इक्क मुर्दे रे बराबर होणा थिया।

इफिसियों 4:22

कि तुसा जो दस्सेया गेया थिया कि तुसा री बेवकूफी भरी मर्जियां ने तुसा जो बर्बाद करी छडणा ते तुसा जो अपणी जिन्दगी जीणे रे पुराणे तरिक्के जो ते अपणी सारी गलत आदतां जो छड्डी दैणा चाएदा।

इब्रानियों 3:13

बल्कि हर रोज इक्क-दूए जो प्रोत्साहन देयो। पाप री वजह कने धोखा मत खांदे, ते कदी ढीठ मत बणदे। इधेरे तांइ हर रोज, इक्क-दूए जो हिम्मत बंधाओ।

याकूब 1:22

ते सिर्फ परमेश्वर रे वचन जो सुनणे वाले मत बणो जे अप्पु जो ही धोखा दिदें, पर तिसजो मनणे वाले भी बणो।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।