रोमियों 6:18 - चम्बयाली नौआ नियम

¹⁸ परमेश्वर ने तुसा जो पाप रे काबू का अजाद कित्तेया, ते अवे तुसा धार्मिक कम्म करणे तांइ परमेश्वर रे गुलाम बणी गेरे हिन।

रोमियों 6:18 ပူးပေါင်းရင်းမြစ်များ

लूका 4:18

“प्रभु रा आत्‍मा मेरे अन्दर है, किजोकी तिन्हा ने मेरा अभिषेक कित्ते रा है कि मैं गरीब मणूआं जो परमेश्वर रे राज रे सुब बसेख जो सूणां, ते परमेश्वर ने मेरे जो गुलाम मणूआं जो ए बोलणे तांइ भेज्जेया कि से अजाद हिन, ते अन्नेयां जो रौसनी दैणे तांइ भेज्जे रा है, अते दुख-तकलिफां अन्दर फसे रे लोक्कां जो छुटकारा दैणे,

यूहन्ना 8:32

तुसा सच्चाई जो जाणो, ते सच्चाई ने तुसा जो अजाद करणा।

यूहन्ना 8:36

इस तांइ जे पुत्तर तुसा जो अजाद करगा, तां सच्ची तुसा अजाद होई जाणा

रोमियों 6:14

तुसा पर पाप रा कोई काबू नी है, किजोकी तुसा मूसा रे कानून रे हेठ नी पर परमेश्वर रे अनुग्रह बिच जिन्दे।

रोमियों 6:22

पर अवे तुसा पाप रे काबू का अजाद होई गेरे हिन ते परमेश्वर रे गुलाम बणी गेरे हिन। तुसा अवे पवित्र कम्म करदे जिस कने तुसा जो हमेसा री जिन्दगी मिलदी।

रोमियों 6:7

जां असी मसीह यीशु कने मरी गे, तां असी पाप रे काबू का अजाद करी दित्ते गे थिये।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

गलातियों 5:1

मसीह यीशु ने असा जो मूसा रे कानून का अजाद करणे तांइ असा जो अजाद कित्ते रा है, इधेरे तांइ पक्के तौर पर अपणी अजादी जो मत गुआंदे, ते दुबारा मूसा रे कानून जो मन्नी करी अप्पु जो गुलाम मत बणदे।

1 पतरस 2:16

तुसा जो कोई भी से करणे का नी रोक्की सकदा जे तुसा करणा चाह्‍ंदे किजोकी तुसा असा प्रभु यीशु मसीह रे जरिये अजाद करी दित्ते गेरे हिन। पर इस गल्ल रे बहान्ने कोई गलत कम्म मत करदे। बल्कि तुसा जो अपणे कम्मां कने ए दिखाणा चाएदा कि तुसा परमेश्वर रे सेवादार हिन।