रोमियों 6:16 - चम्बयाली नौआ नियम

¹⁶ तुसा जाणदे कि जां तुसा अप्पु जो कुसकी रा गुलाम बणने तांइ सौंप्पि दिंदे, तां से मणू तुसा रा मालिक बणी जांदा। जे अगर तुसा चाओ ता पाप रे गुलाम बणी सकदे जे मौत दिंदा, या तुसा अप्पु जो परमेश्वर रे हुकम मनणे तांइ सौंप्पि सकदे जे तुसा जो धार्मिक ठैहरांदे।

रोमियों 6:16 ပူးပေါင်းရင်းမြစ်များ

मत्ती 20:4

ते उन्हा जो बोल्लेया, तुसा भी अंगूर रे बगीच्चे बिच जाओ, ते जिन्नी धियाड़ी बणगी, तुसा जो दिंगा अते से भी गे।

मत्ती 6:24

“कोई मणू इक्क समय पर दो मालकां री सेवा नी करी सकदा, किजोकी तिनिए इक्क कने नफरत अते दूज्जे जो प्यार करे, या तिनिए इक्क जणे कने वफादार रैह्णा अते दूज्जे जो नफरत करणी तुसा परमेश्वर ते धन-दौलत, दोन्नां री सेवा नी करी सकदे।”

यूहन्ना 8:34

यीशु ने तिन्हा जो जवाब दित्ता, मैं तुसा जो सच-सच बोलदा कि जे कोई पाप करदा, तां से पाप रा गुलाम है।

रोमियों 11:2

परमेश्वर ने अपणे तिन्हा लोक्कां जो नी छड्डेया, जिस जो तिन्हा ने पैल्ले का ही चुणी लित्ते रा है। कै तुसा जो पता नी है, कि पवित्रशास्त्र एलिय्याह भविष्यद्वक्ता रे बारे बिच कै दसदा? से परमेश्वर कने इस्राएल रे लोक्कां री शिकायत करी के ए बोलदा,

रोमियों 12:1

इधेरे तांइ ओ संगी विश्वासियों, मैं तुसा जो परमेश्वर रे दया जो याद दुआई करी तुसा का छन्दे करदा, कि अप्पु जो जिन्दा, ते पवित्र अते परमेश्वर जो भाणे वाले कुर्बानी रे रुप बिच चढ़ाओ। परमेश्वर री सेवा करणे रा ए ही सही तरिक्का है।

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

1 कुरुन्थियों 3:16

तुसा ठीक तरिक्के कने जाणदे कि तुसा परमेश्वर रा मन्दिर हिन अते पवित्रात्मा तुसा रे बिच वास करदा।

1 कुरुन्थियों 5:6

तुसा घमंड करणा छड्डी देयो। जिय्यां कि तुसा जाणदे कि जरा करी तराक पूरे गुह्ने रे आट्टे जो तराक्की दिंदा तिय्यां ही जां कोई इक्क मणू पाप करदा रैहन्दा तां तिस वजह कने तिसेरे कन्ने रे सारे मणू तिस असर बिच पाप करणा लग्गी पैंदे।

1 कुरुन्थियों 6:2

तुसा जो पता ही है कि परमेश्वर रे लोक्कां ने दुनिया रे लोक्कां रा हिसाब-किताब करणा। इधेरे तांइ तुसा हल्की का हल्की लड़ाई रा हिसाब-किताब करणे रे जोग्गे हिन।

1 कुरुन्थियों 6:3

तुसा जो पता ही है कि असा ने शैतान रे दूतां रा भी हिसाब-किताब करणा इधेरे तांइ असी छोटी-मोटी दुनियावी परेसानी रा भी फैसला करी सकदे।

1 कुरुन्थियों 6:9

तुसा जो ठीक तरिक्के कने पता है धोख्खा दैणे वाले लोक्कां ने कदी परमेश्वर रे राज रे वारिस नी बणना। गलतफहमी बिच मत रेयो किजोकी व्यभिचारी, मूर्तां री पूजा करणे वाले, परस्त्रीगामी, लुच्चे, विकृत समलैंगिक रिस्ता,

1 कुरुन्थियों 9:13

तुसा जो पता ही है कि जे मन्दिर बिच सेवा करदे, से मन्दिर बिच का ही खान्दे, ते जे वेदी री सेवा करदे से वेदी पर चढ़ाए जाणी वाली चीजां रे हिस्सेदार हुंदे।

1 कुरुन्थियों 9:24

तुसा जो पता ही है कि दौड़ बिच तां मते जणे दौड़दे, पर ईनाम सिर्फ इक्क जणे जो ही मिलदा। तुसा तिय्यां ही दौड़ो कि जीत्ती जाओ।

2 पतरस 2:19

ए झूठ्ठे शिक्षक लोक्कां जो ए सिखांदे कि से मणू जे करणा चाण, से करी सकदे। से मणू अप्पु भी अपणे रे पाप रे स्वभाव री वजह कने गुलाम्मां सांई हिन जे तिन्हा पर पाप करणे तांइ जोर पांदा। जे किच्‍छ भी तुसा जो चलांदा, तुसा तिसेरे ही गुलाम हिन।