रोमियों 6:12 - चम्बयाली नौआ नियम

¹² इधेरे तांइ तुसा पाप करणे री इच्छां जो अपणी जिन्दगी पर काबू मत करणा देयो, ताकि तुसा पाप री मर्जी रे हिसाब कने जिन्दगी ना जियो।

रोमियों 6:12 ပူးပေါင်းရင်းမြစ်များ

रोमियों 13:14

बल्कि प्रभु यीशु मसीह जो इक्क कवच सांई पाई लेयो, ते अपणी पाप रे स्वभाव कने जिन्दगी मत जियो।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 6:14

तुसा पर पाप रा कोई काबू नी है, किजोकी तुसा मूसा रे कानून रे हेठ नी पर परमेश्वर रे अनुग्रह बिच जिन्दे।

रोमियों 6:16

तुसा जाणदे कि जां तुसा अप्पु जो कुसकी रा गुलाम बणने तांइ सौंप्पि दिंदे, तां से मणू तुसा रा मालिक बणी जांदा। जे अगर तुसा चाओ ता पाप रे गुलाम बणी सकदे जे मौत दिंदा, या तुसा अप्पु जो परमेश्वर रे हुकम मनणे तांइ सौंप्पि सकदे जे तुसा जो धार्मिक ठैहरांदे।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

रोमियों 8:13

किजोकी जे अगर तुसा पाप रे स्वभाव रे काबू बिच जिन्दगी जिंगे, तां परमेश्वर का बखरे कित्ते जाणे, ते जे अगर तुसा पवित्रात्मा री ताकत कने से कम्म करणा छड्डी देयो जे पाप रे स्वभाव कने हुंदा, तां तुसा ने जीणा।

2 कुरुन्थियों 4:11

हाँ, असी हमेसा मौत रे खतरे बिच रैहन्दे किजोकी असी मसीह यीशु रा सुब बसेख सुणांदे ताकि मसीह यीशु री जिन्दगी असा रे कम्मां रे जरिये लोक्कां पर ज़ाहिर हो।

2 कुरुन्थियों 5:4

ते असी इस सरीर बिच रैहन्दे होए जे इस दुनिया बिच असा रे तम्बू सांई है, बोझ कने किल्दे रैहन्दे, किजोकी असी अपणे इस दुनिया रे सरीर जो उतारणा नी चाह्‍ंदे पर स्वर्गीय सरीर जो भी पाई लैणा चाह्‍ंदे, ताकि असा रे नौए स्वर्गीय सरीर असा रे इन्हा शरीरां कने बदली जाए जे इक्क दिन मुकी जाणे।

गलातियों 5:16

पर मैं तुसा जो बोलदा कि पवित्रात्मा रे कहे मुताबिक चलो, तां तुसा कुसकी भी तरिक्के कने सरीर री बुरी इच्छा जो पूरा करणे रा मौक्का नी दैणा।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

इफिसियों 4:22

कि तुसा जो दस्सेया गेया थिया कि तुसा री बेवकूफी भरी मर्जियां ने तुसा जो बर्बाद करी छडणा ते तुसा जो अपणी जिन्दगी जीणे रे पुराणे तरिक्के जो ते अपणी सारी गलत आदतां जो छड्डी दैणा चाएदा।

1 थिस्सलुनीकियों 4:5

ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

2 तीमुथियुस 2:22

इधेरे तांइ जुआन्नी री बुरी इच्छा का दुर रेयो ते जे मणू प्रभु रा नां लिंदे रैह्‍न्दे तिन्हा मणूआं कने धार्मिकता, ते विश्वास, ते प्यार ते मेल जोल री कोसीस बिच रेयो।

तीतुस 2:12

अपणे इस अनुग्रह कने परमेश्वर असा जो सिखांदे कि असा जो तिस तरिक्के रा बर्ताव नी करणा चाएदा जिस कने से खुस नी हुंदे। ते तिन्हा चीजां रा लालच छड्डी दैणा चाएदा जिन्हा जो अविश्वासी मणू करणा चाह्‍ंदे, ते जां तिकर असी इस दुनिया बिच रेया करदे हिन तां तांइ समजदारी ते धार्मिकता कने बर्ताव करण।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

1 पतरस 1:14

परमेश्वर रे हुकमां जो इस तरिक्के कने मन्नेया करो जिय्यां अच्छे बच्चे अपणे प्यो रे हुकमां जो मनदे। तिन्हा बुराई रे कम्मां जो करणे री चाह्‍त मत रख्खो जे तुसा तिस बेल्ले करणा चाह्‍ंदे थिये जां तुसा परमेश्वर जो नी जाणदे थिये।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।

यहूदा 1:18

से तुसा जो ए बोलदे हुंदे थिये, “मसीह यीशु रे हटणे का पैल्ले किच्‍छ इदेय मणू उठणे जिन्हा ने परमेश्वर ते तिन्हेरे लोक्कां रा मजाक उडाणा। ए से मणू हिन जिन्हेरी जिन्दगी तिन्हेरे अपणे दिल री बुरी इच्छा रे वस बिच है।”