रोमियों 5:3 - चम्बयाली नौआ नियम

³ सिर्फ ए ही नी, पर असी ए सोच्ची करी दुख-तकलिफां सहणे बिच भी खुस हिन, कि दुख-तकलीफ सहणे कने सबर बदधा,

रोमियों 5:3 ပူးပေါင်းရင်းမြစ်များ

लूका 21:19

पर सबर कने तुसा अपणी जिन्दगी बचाए रखणी।

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

रोमियों 5:11

ते सिर्फ ए ही नी, असा रा प्रभु यीशु मसीह रे जरिए, परमेश्वर कने मेल जोल होए रा है, इधेरे तांइ असी परमेश्वर बिच खुस रैह्‍न्दे।

रोमियों 8:23

सिर्फ परमेश्वर री रचना ही नी तड़पेया करदे हिन, पर असी भी, जिन्हा जो परमेश्वर रा पैल्ला दान, पवित्रात्मा, जे परमेश्वर रे वादे री निशानी है, मिलणे रे बावजूद भी तिस दिन री भाल बिच अंदर ही अंदर तड़पेया करदे हिन जां असा जो हर बुराई का छुटकारा मिली जाणा।

रोमियों 9:10

अते इन्ना ही नी, पर असा रे पुरखे इसहाक ते रिबेका जो जुड़वे बच्चे होये।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

2 कुरुन्थियों 8:19

ते इन्ना ही नी, पर से कलीसियां रे संगी विश्वासियां रे जरिए ठैहराया भी गे रा कि इस दान रे कम्म तांइ असा कने जाए। असी ए सेवा इधेरे करदे कि प्रभु री महिमा ते यरुशलेम रे विश्वासियां री मदद करणे तांइ असा रा उत्साह ज़ाहिर होई जाए।

इफिसियों 3:13

इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

फिलिप्पियों 1:29

किजोकी मसीह यीशु री वजह कने तुसा पर ए दया होई कि नां सिर्फ तुसा तिन्हा पर विश्वास करो पर तिन्हा तांइ दुख भी सही सको।

याकूब 1:12

धन्न है से मणू, जे परखे जाणे रे बेल्ले टिकी रैहन्दा; किजोकी खरा साबित होणे पर तिसजो हमेसा री जिन्दगी रा से मुकट मिलणा, जिस जो दैणे रा वादा परमेश्वर ने तिन्हा लोक्कां कने कित्ते रा है जे परमेश्वर कने कित्ते रा है।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”