रोमियों 5:19 - चम्बयाली नौआ नियम

¹⁹ किजोकी इक्क मणू रे परमेश्वर रे हुकम जो ना मनणे री वजह कने मते मणू पापी ठैहराए गे, तिय्यां ही इक्क मणू रे परमेश्वर रे हुकम जो मनणे री वजह कने मते मणू धार्मिक ठैहराए गे।

रोमियों 5:19 ပူးပေါင်းရင်းမြစ်များ

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

रोमियों 5:18

इधेरे तांइ जिय्यां की आदम रा पाप करणा, सजा दैणे री वजह बणेया, तिय्यां ही मसीह यीशु रे धार्मिकता रे कम्म करणे री वजह कने लोक्कां जो नौई जिन्दगी मिल्ली ते से परमेश्वर री नजर बिच धार्मिक ठैहराए गे।

फिलिप्पियों 2:8

तिन्हा ने इन्सान रे रुप बिच जन्म लेई करी अप्पु जो इन्ना जादा निमता कित्ता कि परमेश्वर रे हुकमां जो मनदे होए से इक्क मुजरिम सांई मरणे तांइ भी तैयार थिये, ते हाँ, सुली पर अपणी जान देई भी दित्ती।

रोमियों 5:12

जिय्यां कि परमेश्वर रे बणाए रे इक्क मणू, आदम री वजह कने पाप दुनिया बिच आया, ते से पाप करणे री वजह कने से मरेया, ते इसी तरिक्के कने लोक्कां रे पाप करणे री वजह कने मौत सारेयां बिच फैल्ली गयी, किजोकी आदम री सतांन होणे री वजह कने से पापी स्वभाव असा सारेयां बिच चलदा रेया।

इफिसियों 1:6

परमेश्वर ने इय्यां इस तांइ कित्तेया ताकि तिन्हेरे महिमामय अनुग्रह तांइ तिन्हेरी बड़ाई करण, जिस जो तिन्हा ने असा लोक्कां जो मुफ्त बिच इधेरे तांइ दित्तेया किजोकी असा रा तिन्हेरे प्यारे पुत्तर कने रिस्ता है।

रोमियों 5:15

पर आदम रे पाप ते परमेश्वर रे अनुग्रह रे दान बिच बड़ा बड्डा फर्क है। किजोकी आदम रे पाप करणे री वजह कने मते लोक्कां बिच मौत फैल्ली गयी। पर तिसका जादा बधी करी मसीह यीशु रे जरिये मते लोक्कां जो परमेश्वर रा बड़ा अनुग्रह ते धार्मिकता रा दान मिल्लेया।

रोमियों 11:32

किजोकी सारेयां ने परमेश्वर रे हुकम री ना-फरमानी कित्ते री है, ताकि परमेश्वर सब जणेया पर दया करे।