रोमियों 5:12 - चम्बयाली नौआ नियम

¹² जिय्यां कि परमेश्वर रे बणाए रे इक्क मणू, आदम री वजह कने पाप दुनिया बिच आया, ते से पाप करणे री वजह कने से मरेया, ते इसी तरिक्के कने लोक्कां रे पाप करणे री वजह कने मौत सारेयां बिच फैल्ली गयी, किजोकी आदम री सतांन होणे री वजह कने से पापी स्वभाव असा सारेयां बिच चलदा रेया।

रोमियों 5:12 ပူးပေါင်းရင်းမြစ်များ

रोमियों 3:23

किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

रोमियों 5:18

इधेरे तांइ जिय्यां की आदम रा पाप करणा, सजा दैणे री वजह बणेया, तिय्यां ही मसीह यीशु रे धार्मिकता रे कम्म करणे री वजह कने लोक्कां जो नौई जिन्दगी मिल्ली ते से परमेश्वर री नजर बिच धार्मिक ठैहराए गे।

रोमियों 5:19

किजोकी इक्क मणू रे परमेश्वर रे हुकम जो ना मनणे री वजह कने मते मणू पापी ठैहराए गे, तिय्यां ही इक्क मणू रे परमेश्वर रे हुकम जो मनणे री वजह कने मते मणू धार्मिक ठैहराए गे।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

रोमियों 6:21

तुसा पैल्ले बुरे कम्म कित्ते पर अवे तिन्हा पर शर्मिंदा हिन। तुसा जे से कम्म करी के कोई फायदे नी होया किजोकी तिन्हा कम्मां रा अंजाम सिर्फ मौत है।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

1 कुरुन्थियों 15:56

मौत री ताकत पाप है, ते पाप री ताकत कानून है।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

याकूब 1:15

फिरी जां बुरे कम्म करणे री इच्छा बदधी तां मणू पाप करदे; ते जां मणू पाप करदे तां तिसेरा नतीज्जा हमेसा री मौत हुंदा।

याकूब 3:2

मैं तुसा जो समजाया करदा है कि असा सारेयां का गलतियां हुंदी रैहन्दी पर जे अगर कोई मणू बोलणे बिच कदी कोई गलती ना करो तां से पूरा सही मणू है ते से अप्पु जो पूरा काबू भी करी सकदा।