रोमियों 4:6 - चम्बयाली नौआ नियम

⁶ तिय्यां ही दाऊद बोलदा कि परमेश्वर ने तिन्हा लोक्कां जो किय्यां आशीष दित्ते री है, जिन्हा लोक्कां जो तिन्हा ने बिना कम्मां रे धार्मिक बणाए रा है।

रोमियों 4:6 ပူးပေါင်းရင်းမြစ်များ

मत्ती 25:19

बड़े दिनां बाद तिन्हा नौकरांं रा मालक आई गेया अते तिन्हा का लेखा-जोखा मंगेया।

रोमियों 1:17

किजोकी सुब बसेख रे जरिये परमेश्वर तिस हर इक्क मणू जो धार्मिक बणांदे, जे पूरे तरिक्के कने सुब बसेख पर विश्वास करदे। जिय्यां कि भविष्यद्वक्ता ने पवित्रशास्त्र बिच भी लिख्खे रा है, “परमेश्वर जिस मणू जो धार्मिक बणांदे, से ही विश्वास रे जरिये जिन्दा।”

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

रोमियों 4:11

परमेश्वर ने पैल्ले ही अब्राहम जो धार्मिक ठैहराई करी अपणाई लित्तेया थिया, जां हल्ले तिन्हेरा खतना भी नी होए रा थिया। खतने रा निसान परमेश्वर द्वारा अपणाए जाणे री निशानी है। इधेरे तांइ अब्राहम तिन्हा लोक्कां रे आत्मिक पुरखे हिन जिन्हेरा खतना ता नी होए रा है पर तिन्हा जो परमेश्वर बिच विश्वास है। से मणू अपणे विश्वास रे जरिए धार्मिक बणाए गेरे हिन।

रोमियों 4:24

बल्कि असा लोक्कां तांइ भी लिख्खेया गेया, किजोकी तिन्हा पर विश्वास करणे री वजह कने तिस परमेश्वर ने असा जो धार्मिक ठैहराणा, जिन्हा ने मसीह यीशु जो मुर्देयां बिच का जिन्दा कित्ता।

रोमियों 4:5

पर मणू अपणे कम्मां री वजह कने नी पर दुष्ट लोक्कां जो धार्मिक बणाणे वाले परमेश्वर बिच विश्वास रे जरिये धार्मिक ठैहराये जांदे।

रोमियों 4:7

जिय्यां कि तिनिये पवित्रशास्त्र बिच लिख्खे रा है: “धन्य हिन से जिन्हा रे अधार्मिक माफ होए, ते जिन्हेरे पाप ढकी दित्ते गे।

रोमियों 4:9

तां ए धन्न वचन, कै खतने वालेयां तांइ ही है, या बगैर खतने वालेयां तांइ भी है? जे पवित्रशास्त्र बिच लिख्खे रा है असी से ही बोलदे आया करदे हिन, कि अब्राहम ने परमेश्वर रे वादे पर विश्वास कित्ता ते परमेश्वर ने तिन्हा जो इस तांइ धार्मिक ठैहराया।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 3:14

मसीह यीशु ने ए इधेरे तांइ कित्ता ताकि गैर यहूदियां जो भी से सारी आशीषां मिल्ले जिसेरा वादा परमेश्वर ने अब्राहम कने कित्ते रा थिया। मसीह यीशु बिच विश्वास करणे रे जरिये असी पवित्रात्मा जो हासिल करण, जिसेरा वादा तिन्हा ने असा कने पैल्ले कित्तेया थिया।

गलातियों 4:15

तिस बेल्ले ता तुसा बड़े खुस थिये पर अवे तुसा री से खुसी कुते गई? मेरे जो इस गल्ल रा पक्का पता है कि तुसा मेरे तांइ किच्‍छ भी करी सकदे थिये, ते जे अगर मुमकिन हुंदा तां तुसा अपणी हाख्खियां भी मेरे तांइ देई दिंदे।

इफिसियों 1:3

असा रे परमेश्वर ते यीशु मसीह रे पिता री महिमा हो किजोकी तिन्हा ने असा जो मसीह यीशु कने रिस्ता होणे री वजह कने स्वर्ग का हर तरिक्के री आत्मिक आशीषां दित्ती।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।

याकूब 2:18

पर कोई बोल्ले, “तू विश्वास करदा, ते मैं ठीक कम्म करदा।” पर मैं बोलदा कि तू अपणा विश्वास मिन्जो बगैर ठीक कम्मां रे साबित करी के दिखा; ते मैं अपणा विश्वास अपणे ठीक कम्मां रे जरिये तिज्जो साबित करी के दिखांदा।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।