रोमियों 4:5 - चम्बयाली नौआ नियम

⁵ पर मणू अपणे कम्मां री वजह कने नी पर दुष्ट लोक्कां जो धार्मिक बणाणे वाले परमेश्वर बिच विश्वास रे जरिये धार्मिक ठैहराये जांदे।

रोमियों 4:5 ပူးပေါင်းရင်းမြစ်များ

मरकुस 9:23

यीशु ने तिस मणू जो बोल्लेया, “जे तू करी सकदा, इस गल्ल रा कै मतलब है? विश्वास करणे वालेयां तांइ सब किच्‍छ मुमकिन है।”

यूहन्ना 5:24

मैं तुसा रे कने सच-सच बोलदा, जे मेरा वचन सुणी करी मेरे भेजणे वाले पर विश्वास करदा हमेसा री जिन्दगी तिसका है, कने तिस पर सजा रा हुकम नी हुन्दा पर से मौत जो टप्पी करी हमेसा री जिन्दगी बिच जाई चुके रा है।

यूहन्ना 6:29

यीशु ने तिन्हा जो जवाब दित्ता परमेश्वर तुसा का ए चाह्‍ंदे कि तुसा मणू तिस पर विश्वास करो जिस जो परमेश्वर ने भेज्जे रा है।

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

रोमियों 4:24

बल्कि असा लोक्कां तांइ भी लिख्खेया गेया, किजोकी तिन्हा पर विश्वास करणे री वजह कने तिस परमेश्वर ने असा जो धार्मिक ठैहराणा, जिन्हा ने मसीह यीशु जो मुर्देयां बिच का जिन्दा कित्ता।

रोमियों 4:3

किजोकी पवित्रशास्त्र ए बोलदा कि अब्राहम ने परमेश्वर रे कित्ते रे वादे पर विश्वास कित्ता ते परमेश्वर ने तिन्हा जो इस तांइ धार्मिक ठैहराया।

रोमियों 4:6

तिय्यां ही दाऊद बोलदा कि परमेश्वर ने तिन्हा लोक्कां जो किय्यां आशीष दित्ते री है, जिन्हा लोक्कां जो तिन्हा ने बिना कम्मां रे धार्मिक बणाए रा है।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।