रोमियों 4:21 - चम्बयाली नौआ नियम

²¹ ते पक्का जाणी लित्ता की जिस गल्ल रा परमेश्वर ने वादा कित्ता, से तिन्हा जो पूरा करणे रे भी काबिल हिन।

रोमियों 4:21 ပူးပေါင်းရင်းမြစ်များ

मत्ती 19:26

यीशु ने तिन्हा पास्से दिख्खी करी बोल्लेया, मणूआं तांइ ए नामुमकिन है, पर परमेश्वर तांइ सब किच्‍छ मुमकिन है।

लूका 1:1

आदरणीय थियुफिलुस, ए सारी गल्लां जे असा रे बिच मझाटे बीत्ती, तिन्हा जो लिखणे बिच मते लोक्कां ने कोसीस कित्ते री है।

लूका 1:37

किजोकी परमेश्वर किच्‍छ भी करी सकदे।

लूका 1:45

तू धन्न है किजोकी तैं प्रभु री गल्लां रा भरोसा कित्ता।

रोमियों 14:4

तुसा कुसकी होर मणू रे नौक्कर पर इल्जाम लाणे वाले हुंदे कुण? तिसेरी कामयाबी या नाकामयाबी तिसेरे मालक रे ही हत्थां बिच है। ते तिसने कामयाब ही होणा किजोकी परमेश्वर तिन्हा जो कामयाब करी सकदे।

रोमियों 14:5

कोई मणू ता इक्क दिन जो दूज्जे दिन का बधी करी मनदा, ते कोई मणू सबणी दिनां जो इक्क बराबर मनदा। इसी तरिक्के कने हर इक्क मणू जो अपणे मन अंदर इस गल्ल जो पक्का करी लैणा चाएदा कि जे से सोच्चेया करदा है, से ही किजो सही है।

रोमियों 8:38

किजोकी मैं पक्के तौर पर जाणदा, कि ना मौत, ना जिन्दगी, ना स्वर्गदूत, ना स्वर्ग बिच रैह्णे वाले शासक, ना आज्‍ज, ना आणे वाला कल, ना ताकत, ना ही ऊंचाई असा जो मसीह रे प्यार का बखरा नी करी सकदे।

2 कुरुन्थियों 9:8

ते परमेश्वर ने बड़ी उदारता कने तुसा जो हर किस्म री आशीष दे। जिस कने हर गल्ल बिच, हर बेल्ले तुसा का अपणी जरुरत री हर चीज रे, ताकि भले कम्म करणे तांइ तुसा का जरुरत का भी जादा रे।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

इब्रानियों 11:13

ए सारे लोक, जिन्हा ने परमेश्वर बिच विश्वास कित्तेया थिया, से मणू इस गल्ल जो समजदे होए कि परमेश्वर ने तिन्हेरे तांइ कै करणा, तिन्हा वादे कित्ते री चीजां पाए बगैर ही मरी गे, तिन्हा ने इस गल्ल जो समजेया कि से इस दुनिया बिच परदेसी हिन।

इब्रानियों 11:19

किजोकी अब्राहम ने मन्नी लेया थिया, कि परमेश्वर इन्ना ताकतवर हिन कि तिसेरे मुंडे इसहाक जो मरेयां बिच का भी जिन्दा करी देण: ते इक्क तरिक्के कने तिसेरा मुंडा मुर्देयां बिच का फिरी जिन्दा होया ही थिया।