रोमियों 4:2 - चम्बयाली नौआ नियम

² किजोकी जे अगर अब्राहम ठीक कम्मां कने धार्मिक ठैहराया जादां, तां तिन्हा का घंमड करणे री वजह होई सकदी थी, पर से परमेश्वर रे सामणे घमंड नी करी सकदे।

रोमियों 4:2 ပူးပေါင်းရင်းမြစ်များ

रोमियों 15:17

मैं मसीह यीशु री वजह कने परमेश्वर री सेवा पर गर्व करी सकदा।

1 कुरुन्थियों 1:29

परमेश्वर ने इधेरे तांइ कित्तेया ताकि तिन्हेरे सामणे कोई भी मणू घमंड ना करी सके।

1 कुरुन्थियों 1:31

जिय्यां कि पवित्रशास्त्र बिच लिख्खे रा है, “जे घमंड करो से परमेश्वर बिच घमंड करे।”

1 कुरुन्थियों 4:7

किजोकी तेरे बिच ते दूए बिच कुण फरक करी सकदा, तेरे का अपणा कै है जे तिज्जो दित्तेया ही नी गेया? अते जां तिज्जो सब किच्‍छ कुसकी का मिल्ले रा है, तां फिरी तू इय्यां घमंड किय्यां करी सकदा कि जिय्यां तिज्जो मिल्लेया ही नी?

1 कुरुन्थियों 9:16

जे अगर मैं सुब बसेख सूणां, तां मेरे तांइ किच्‍छ भी घमंड करणे री गल्ल नी है किजोकी मसीह ने मेरे जो इय्यां करणे रा हुकम दित्ते रा है। पर जे अगर मैं सुब बसेख ना सूणां ता ए मेरे पर लाणत है।

2 कुरुन्थियों 11:12

पर मैं तुसा का कदी दान नी लैणा, ताकि दूज्जेयां जो इस गल्ल बिच घमंड करणे रा मौक्का ना मिल्ले कि तिन्हा ने भी तिस्सी तरिक्के कने सेवा करदे जिय्यां असी करदे।

2 कुरुन्थियों 11:30

अगर घमंड करणा जरुरी है, तां मैं अपणी कमजोरी री गल्लां पर घमंड करणा।

2 कुरुन्थियों 5:12

असी फिरी भी अपणी तारिफ तुसा अग्गे नी करदे, पर असी तुसा जो असा रे बारे बिच गर्व करणे रा मौक्का दिदें, तुसा तिन्हा जो जवाब देई सको, जे मन पर नी पर दिखावटी गल्लां पर घमंड करदे।

गलातियों 3:22

पर पवित्रशास्त्र ए दसदा कि असी सारे पाप रे वस बिच हिन, ताकि तिस वजह कने से वादा मसीह यीशु पर विश्वास करणे वाले तिन्हा लोक्कां जो मिल्ले जिन्हा कने परमेश्वर ने वाचा बन्नी थी।

इफिसियों 2:9

ए तुसा रे भले कम्मां रा नतीज्जा नी है, इधेरे तांइ तुसा का इस पर घंमड करणे री कोई वजह नी है।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।