रोमियों 4:18 - चम्बयाली नौआ नियम

^18-19 परमेश्वर ने अब्राहम जो बोल्लेया कि तिन्हा मती जातियां रा पुरखे बणना। अब्राहम जो ए लग्गेया कि से पिता बणने तांइ बड़ा जादा बूड्डा होई गे रा है किजोकी से इक्क-सौ साल्ले रा होई गेया थिया, ते सारा अप्पु भी अवे बच्चे नी जम्मी सकदी थी। हालांकि हर गल्ल कने ए ही लग्गेया कि से मते लोक्कां रा पिता नी बणी सकदा, पर फिरी भी तिन्हा ने आस नी छड्डी ते विश्वास करदे रे।

रोमियों 4:18 ပူးပေါင်းရင်းမြစ်များ

लूका 1:18

तां जकरयाह ने स्वर्गदूत जो पूच्छेया, कि मैं किय्यां मन्नी लेयां कि ए सब किच्‍छ जे तू बोल्लेया करदा है, सच होई जाणा? किजोकी, मैं तां बड़ा सियाणा मणू है, अते मेरी लाड़ी भी सियाणी है।

प्रेरितां रे कम्म 27:25

इधेरे तांइ, ओ सज्जन मणूओ, हिम्मत रखो किजोकी मैं परमेश्वर रा विश्वास करदा, कि जदेया मेरे कने बोल्लेया गे रा है, तदेया ही होणा।

रोमियों 4:17

जिय्यां कि पवित्रशास्त्र बिच लिख्खे रा है, “मैं तेरे जो मती जातियां रा पुरखे ठैहराए रा है।” परमेश्वर री नजर बिच अब्राहम असा रे पुरखे हिन। तिन्हा ने तिस परमेश्वर पर विश्वास कित्तेया, जे मुर्देयां जो जिन्दा करदे, ते तिन्हा जो अस्तित्व बिच लांदे, जिन्हेरा कोई अस्तित्व नी है।

रोमियों 5:5

ते इस आस कने असा जो निराशा नी हुंदी, किजोकी परमेश्वर ने असा जो पवित्रात्मा दित्ते रा है, जे असा रे मन जो परमेश्वर रे प्यार कने भरी दिंदा।

रोमियों 8:24

असा जो महिमा मिलणे री उम्मीद तिस बेल्ले दित्ती गयी थी, जां परमेश्वर ने असा जो बचाया थिया, पर जे अगर असा का से पैल्ले का ही है जिसेरी असी आस रखदे, तां असा जो तिस तांइ अग्गे जो उम्मीद लाए रखणे री जरुरत नी है।

इब्रानियों 6:19

ए आस जे असा का है ते कदी भी टुटी नी सकदी, ते असा जो परमेश्वर का दुर भटकणे नी दिंदी, पर ए असा जो परमेश्वर का मन्दिर बिच, स्वर्ग अंदर, सबका जादा पवित्र जगाह् पर पुजांदा।