रोमियों 4:14 - चम्बयाली नौआ नियम

¹⁴ जे अगर अब्राहम ते तिसेरे ‍खानदान कने इधेरे तांइ वादा कित्तेया गेया किजोकी तिन्हा ने मूसा रे कानून रा पालण कित्तेया, तां विश्वास बेकार ते वादा बेमतलब ठैहरदा।

रोमियों 4:14 ပူးပေါင်းရင်းမြစ်များ

रोमियों 3:31

तां कै मसीह बिच विश्वास करणा मूसा रे कानून जो रद्द करदा? बिल्कुल भी नी, पर विश्वास करणे रे जरिये असी मूसा रे कानून जो पूरा करदे।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

1 कुरुन्थियों 1:13

तुसा मणू जे इय्यां करेया करदे हिन, से सही नी है किजोकी मसीह यीशु अलग-अलग मण्डली बिच बंडित्ते रे नी हिन। मैं पौलुस, तुसा जो पाप्पां का बचाणे तांइ सुली पर कुर्बान नी होया। ते तुसा ने मेरे नां कने बपतिस्मा नी लित्तेया थिया।

गलातियों 2:21

मैं परमेश्वर रे अनुग्रह जो नक्कारी नी सकदा, किजोकी जे अगर मूसा रे कानूनां रे जरिए धार्मिकता मिल्ली सकदी तां मसीह यीशु री कुर्बानी री कोई जरुरत नी हुंदी।

गलातियों 5:4

तुसा मणू जे मूसा रे कानून जो मन्नी करी धार्मिक ठैहराणा चाह्‍ंदे, ते तुसा अप्पु जो मसीह यीशु का बखरा करी लित्तेया ते तुसा बिच परमेश्वर रा अनुग्रह नी रेया।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

इब्रानियों 7:19

किजोकी मूसा रा कानून कुसकी जो भी सिद्व नी बणाई सकेया, पर तिस्सी समय पर, असा जो तिसका जादा ठीक आस दित्ती गयी, जे असा जो परमेश्वर रे करीब लै जाई सकदा।

इब्रानियों 7:28

किजोकी मूसा रा कानून कमजोर लोक्कां जो बड्डा पुरोत्त बणने तांइ चुणदा; पर जे वाचा परमेश्वर ने मूसा रे कानून रे बाद बन्नी थी, तिसने परमेश्वर रे पुत्तर जो प्रधान पुरोत्त ठैहराया, जे असा तांइ हमेसा-हमेसा तांइ सिद्व बड्डे पुरोत्त बणी गेरे हिन।