रोमियों 4:13 - चम्बयाली नौआ नियम

¹³ परमेश्वर ने अब्राहम ते तिन्हेरे ‍खानदान कने वादा कित्तेया थिया तिन्हा ने दुनिया रे वारिस होणा, परमेश्वर ने अब्राहम कने ए वादा इधेरे तांइ नी कित्तेया, किजोकी तिन्हा ने मूसा रे कानून रा पालण कित्तेया, पर इधेरे तांइ किजोकी तिन्हा ने परमेश्वर बिच विश्वास कित्तेया थिया ते इस तांइ से धार्मिक ठैहराए गे।

रोमियों 4:13 ပူးပေါင်းရင်းမြစ်များ

प्रेरितां रे कम्म 13:32

ते असी तुसा जो तिस वादे रे बारे बिच, जे पूरखां कने कित्तेया गेया थिया, ए सुब बसेख सुणांदे हिन।

रोमियों 4:12

अते अब्राहम खतने वालेयां रे भी आत्मिक पुरखे हिन, पर सिर्फ तां ही जां से मणू परमेश्वर पर तिय्यां ही विश्वास करदे हो, जिय्यां खतना होणे का पैल्ले अब्राहम जो परमेश्वर बिच थिया।

रोमियों 9:8

मतलब की इन्सानी तौर पर अब्राहम री जे औलाद्दां होए री हिन, से सारे परमेश्वर री औलाद्दां नी केहलांदी। पर परमेश्वर रे वादा कित्ते रे औलाद्दां ही अब्राहम री औलाद्दां गिणी जांदी।

गलातियों 3:29

ते अवे तुसा सारे जे मसीह यीशु कने जुड़ी गेरे हिन, तुसा अब्राहम री औलाद्दां हिन ते तिसेरे वारिस भी हिन, ते तुसा जो से सब मिलणा जिसेरा वादा परमेश्वर ने अब्राहम कने कित्तेया।

इब्रानियों 11:7

विश्वास कने ही नूह ने तिन्हा गल्लां रे बारे बिच जे तिस बेल्ले दिसदी नी थी, चितौणी पाई करी भक्ति कने अपणे घरे रे बचाव तांइ जहाज बणाया, ते तिसेरे जरिए तिनिये दुनिया जो दोषी ठैहराया ते परमेश्वर पर विश्वास करणे री वजह कने तिसजो तिन्हा का इक्क वारिस रे तौर पर धार्मिकता मिली ते जे तिनिये कित्तेया थिया से सही थिया।

इब्रानियों 7:6

पर मलिकिसिदक, जे लेवी रे ‍खानदान बिच रा भी नी थिया, तिनिये अब्राहम का दसमां हिस्सा लित्तेया। हालांकि परमेश्वर ने अब्राहम कने वादा कित्तेया थिया, तां भी मलिकिसिदक ने अब्राहम जो आशीष दित्ती।