रोमियों 3:9 - चम्बयाली नौआ नियम

⁹ तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 3:9 ပူးပေါင်းရင်းမြစ်များ

लूका 7:39

ए दिख्खी करी, से फरीसी मणू जिनिये यीशु जो सद्दे रा थिया, अपणे मन अन्दर सोच्णा लग्गेया कि, अगर यीशु सच्चे भविष्यद्वक्ता हुन्दे तां इन्हा जो ए पता लग्गी जाणा थिया कि इन्हा जो छुणे वाली ए जनानी कुण है अते कदेइ है, किजोकी ए तां पापण है।

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

रोमियों 11:32

किजोकी सारेयां ने परमेश्वर रे हुकम री ना-फरमानी कित्ते री है, ताकि परमेश्वर सब जणेया पर दया करे।

रोमियों 11:7

इधेरे तांइ इसेरा नतीज्जा ए होया, हालांकि इस्राएल रे मणू परमेश्वर रे सामणे धार्मिक ठैहरणा चाह्‍ंदे थिये, पर से कामयाब नी होए। पर परमेश्वर ने अपणे चुणे रे लोक्कां जो अपणी नजर बिच धार्मिक ठैहराया। दूए मणू जिद्दी बणी गे ते तिन्हा ने परमेश्वर री गल्ल मनणी नी चाई।

रोमियों 2:1

दूज्जेयां पर इल्जाम लाणे वाले लोक्कों, तुसा जे कम्म करदे तिस तांइ तुसा का कोई बहान्ना नी है किजोकी जिस गल्ल बिच तुसा दूज्जे लोक्कां पर इल्जाम लांदे, तिस बिच अप्पु जो गलत ठैहरांदे किजोकी तुसा दूज्जेयां पर जे इल्जाम लांदे, से ही कम्म अप्पु भी करदे।

रोमियों 3:1

ते फिरी यहूदी बणने ते खतने कराणे रा कै फायदा?

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 3:5

जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।)

रोमियों 6:15

किजोकी असी जाणदे कि असी मूसा रे कानून रे हेठ नी पर परमेश्वर रे अनुग्रह बिच जिन्दे, इधेरे तांइ असा जो पाप बिच जिन्दगी नी जीणी चाएदी।

रोमियों 7:14

असी जाणदे कि मूसा रा कानून तां आत्मिक है, पर मैं सिर्फ इक्क इन्सान है, ते पाप रे हत्थां गुलाम बणाई करी बेच्चेया गे रा है।

1 कुरुन्थियों 10:19

मैं ए नी है बोलदा कि मूर्ति पर चढ़ाए री बलि किच्‍छ है, या मूर्ति अप्पु किच्‍छ है,

1 कुरुन्थियों 14:15

ए वक्त-वक्त री गल्ल है कि कदी मेरे जो आत्मां बिच होई करी प्रार्थना करणा चाएदी ते कदी मेरे जो समजी करी प्रार्थना करणा चाएदी। कुसकी बेल्ले मेरे जो आत्‍मा बिच भरी करी गीत-भजन गाणे चाएदे ते कदी मेरे जो समजी करी गीत-भजन गाणे चाएदे।

1 कुरुन्थियों 4:7

किजोकी तेरे बिच ते दूए बिच कुण फरक करी सकदा, तेरे का अपणा कै है जे तिज्जो दित्तेया ही नी गेया? अते जां तिज्जो सब किच्‍छ कुसकी का मिल्ले रा है, तां फिरी तू इय्यां घमंड किय्यां करी सकदा कि जिय्यां तिज्जो मिल्लेया ही नी?

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 3:22

पर पवित्रशास्त्र ए दसदा कि असी सारे पाप रे वस बिच हिन, ताकि तिस वजह कने से वादा मसीह यीशु पर विश्वास करणे वाले तिन्हा लोक्कां जो मिल्ले जिन्हा कने परमेश्वर ने वाचा बन्नी थी।

फिलिप्पियों 1:18

पर इस कने कोई फरक नी पैन्दा भले ही तिन्हेरे ईरादे ठीक होण या बुरे, मसीह रा सुब बसेख कुसकी ना कुसकी तरिक्के कने सुणाया जांदा, ते मैं इस बिच ही खुस है, ते मैं इस गल्ल बिच इय्यां ही खुस रैह्णा।