रोमियों 3:8 - चम्बयाली नौआ नियम

⁸ किच्‍छ मणू असा पर ए इल्जाम लांदे कि असी लोक्कां जो इय्यां सिखांदे, “आओ असी बुराई करदे रैह्ण, ताकि जादा भलाई हो। पर इदेइ इल्जाम लाणे वाले मणू सजा जोग्गे हिन।”

रोमियों 3:8 ပူးပေါင်းရင်းမြစ်များ

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 6:1

तां फिरी, कै असा जो पाप करदे रैह्णा चाएदा ताकि परमेश्वर जादा का जादा अपणा अनौखा अनुग्रह करदे रैह्ण?

रोमियों 6:15

किजोकी असी जाणदे कि असी मूसा रे कानून रे हेठ नी पर परमेश्वर रे अनुग्रह बिच जिन्दे, इधेरे तांइ असा जो पाप बिच जिन्दगी नी जीणी चाएदी।

रोमियों 7:7

तां असी कै बोलण? कै मूसा रा कानून पाप है? बिल्कुल भी नी! बल्कि मूसा रे कानून री वजह कने ही मैं अपणे पाप जो पैछाणेया: मूसा रा कानून अगर नी बोलदा, कि लालच मत कर, तां मैं नी जाणना थिया कि लालच करणा पाप है।

2 कुरुन्थियों 11:15

इधेरे तांइ इस गल्ल बिच कोई हैरानी नी है कि शैतान रे दास भी परमेश्वर री सेवा करणे वालेयां रे भेस बिच आंदे। तिन्हेरे कम्मां रे हिसाब कने तिन्हेरा खातमा होई जाणा।

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।