रोमियों 3:5 - चम्बयाली नौआ नियम5 जे अगर असा रे अधर्मी कम्म परमेश्वर री धार्मिकता जो ज़ाहिर करदे, तां असी कै बोलणा? कै असी ए बोल्ली सकदे कि परमेश्वर असा जो सजा दैणे अंदर गलत हिन? (ए मैं इन्सानी तौर पर बोल्लेया करदा है।) အခန်းကိုကြည့်ပါ။ |
रोमियों 3:5
32 ပူးပေါင်းရင်းမြစ်များ
तुसा री आत्मिक गल्लां जो समजणे री कमी री वजह कने मैं आमतौर री जिन्दगी बिच का ए उदारण देया करदा है, कि जिय्यां तुसा अपणे जिस्म रे हिस्सेयां जो गलत ते अधार्मिक कम्म करणे तांइ गुलाम्मां सांई सौंप्पि दित्तेया थिया, तिय्यां ही अवे अप्पु जो धार्मिकता रे कम्म करणे तांइ सौंप्पि देयो, ताकि तुसा पवित्र जिन्दगी जी सको।
मैं इफिसुस बिच बड़ी ही जादा तंगी-मुसीबतां का गुजरे रा है। मेरे दुश्मण जंगली-जानवरां सांई खूंखार हिन ते तिन्हा ने मेरे जो नुक्सान पूजाए रा है। जे अगर ए सच है कि आखरी दिनां मुर्देयां जो जिन्दा नी कित्तेया जाणा तां मेरे तांइ ए ही खरा हुंदा कि मैं तिस कहावत सांई मौज-मस्ति करां जिस बिच बोल्ले रा है कि आओ असी खांदे-पिंदे, किजोकी कल ता असी मरी ही जाणा, ते से ही असा रा अंत होणा।
ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।
ကြော်ငြာတွေ