रोमियों 3:30 - चम्बयाली नौआ नियम

³⁰ किजोकी इक्क ही परमेश्वर है जिन्हा ने खतना वाले लोक्कां जो, ते बगैर खतना वाले लोक्कां जो भी मसीह बिच विश्वास करणे कने ही धार्मिक ठैहरांदे

रोमियों 3:30 ပူးပေါင်းရင်းမြစ်များ

रोमियों 2:26

ते जे अगर बिना खतने वाले गैर यहूदी मणू कानून जो मन्ने, तां परमेश्वर ने तिन्हा लोक्कां जो खतना कित्ते रे लोक्कां रे बराबर ही दिखणा।

रोमियों 2:27

हर इक्क मणू ने जिसेरा कदी खतना नी होया हो पर फिरी भी कानून जो मनदा हो, तुसा पर इल्जाम लाणा। हालांकि तुसा रा खतना भी होया ते तुसा का परमेश्वर रा कानून भी है पर तुसा फिरी भी तिसेरा पालण नी करदे।

रोमियों 3:22

मतलब जां असी मसीह यीशु बिच विश्वास करदे, तां परमेश्वर असा जो धार्मिक ठैहरांदे, ते ए मसीह यीशु बिच विश्वास करणे वाले हर इक्क मणू तांइ है। किजोकी परमेश्वर सारे मणूआं कने इक्क-बराबर ही बर्ताव करदे।

रोमियों 3:28

ते ए गल्ल साफ है कि परमेश्वर कुसकी भी मणू जो मूसा रे कानून ते नियमां जो मनणे कने नी पर मसीह बिच विश्वास करणे कने धार्मिक ठैहरांदे।

रोमियों 4:16

इधेरे तांइ वादा, परमेश्वर पर विश्वास करणे पर आधारित है, ताकि परमेश्वर रा वादा तिन्हा रे अनुग्रह रे मुताबक हो, परमेश्वर रा ए वादा सिर्फ अब्राहम ते तिन्हेरे वशंजा तांइ ही नी है जिन्हा का मूसा रा कानून है, ए तिन्हा सारे मणूआं तांइ है जिन्हा बिच अब्राहम जदेया ही विश्वास है, जे असी सारे मणूआं रे पुरखे हिन।

रोमियों 4:9

तां ए धन्न वचन, कै खतने वालेयां तांइ ही है, या बगैर खतने वालेयां तांइ भी है? जे पवित्रशास्त्र बिच लिख्खे रा है असी से ही बोलदे आया करदे हिन, कि अब्राहम ने परमेश्वर रे वादे पर विश्वास कित्ता ते परमेश्वर ने तिन्हा जो इस तांइ धार्मिक ठैहराया।

गलातियों 3:20

बिचौल्ले री जरुरत तां पैंदी जां इक्क का जादा जणे वाचा बन्न। पर परमेश्वर ने जे इक्क ही हिन तिस बेल्ले कुसकी बिचौल्ले जो इस्तेमाल नी कित्तेया जां तिन्हा ने अब्राहम कने वाचा बन्नी।

गलातियों 3:28

अवे जां असा सारेयां ने मसीह यीशु बिच विश्वास करी लित्ते रा है, तां अवे असी परमेश्वर री नजर बिच असा रा मसीह कने रिस्ता जुड़ी गे रा है। अवे ना कुसकी यहूदी ते गैर यहूदी बिच कोई फरक नी रेया, ना ही दास ना ही अजाद मणू बिच, ना ही आदमी ते ना ही औरत बिच, किजोकी अवे तुसा सारे मसीह यीशु बिच इक्क बराबर हिन।

गलातियों 3:8

ते ए बड़े पैल्ले का ही पवित्रशास्त्र बिच लिख्खेया गेया थिया कि परमेश्वर ने गैर यहूदियां जो तिन्हा बिच विश्वास करणे रे जरिये धार्मिक ठैहराणा। इधेरे तांइ पवित्रशास्त्र बिच परमेश्वर ने ए बड़े पैल्ले ही ए सुब बसेख अब्राहम जो दस्सी दित्ती थी, “तेरे जरिये मैं मेरे पर विश्वास करणे वाली सारी जातियां रे लोक्कां जो आशीष दैणी।”

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

गलातियों 6:15

किजोकी खतना होणे या ना होणे कने परमेश्वर जो कोई फरक नी पैंदा, पर इक्क नौई रचना बणी जाणा जरुरी है।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 तीमुथियुस 2:5

किजोकी सिर्फ इक्क ही परमेश्वर है ते सिर्फ इक्क ही बिचौल्ला है जे परमेश्वर ते मणूआं बिच फिरी मेल जोल कराई सकदा ते से मसीह यीशु हिन जे इक्क मणू रे रुप बिच पैदा होए थिये।