रोमियों 3:23 - चम्बयाली नौआ नियम

²³ किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

रोमियों 3:23 ပူးပေါင်းရင်းမြစ်များ

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

रोमियों 11:32

किजोकी सारेयां ने परमेश्वर रे हुकम री ना-फरमानी कित्ते री है, ताकि परमेश्वर सब जणेया पर दया करे।

रोमियों 3:19

असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

गलातियों 3:22

पर पवित्रशास्त्र ए दसदा कि असी सारे पाप रे वस बिच हिन, ताकि तिस वजह कने से वादा मसीह यीशु पर विश्वास करणे वाले तिन्हा लोक्कां जो मिल्ले जिन्हा कने परमेश्वर ने वाचा बन्नी थी।

1 थिस्सलुनीकियों 2:12

कि तुसा इदेइ जिन्दगी जियो जे परमेश्वर जो आदर दिंदी हो, जे तुसा जो अपणे राज ते महिमा बिच हिस्सेदार बणने तांइ सददे।

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।

1 पतरस 5:1

तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा,

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।