रोमियों 3:21 - चम्बयाली नौआ नियम

²¹ पर अवे मूसा रे कानून जो मन्ने बगैर परमेश्वर ने असा जो धार्मिक ठैहराए रा है, जिसेरे बारे बिच बड़े पैल्ले ही मूसा रे कानून ते भविष्यद्वक्तां री कताबां बिच लिख्खे गे रा है कि कुस तरिक्के कने परमेश्वर ने असा जो धार्मिक ठैहराए रा है।

रोमियों 3:21 ပူးပေါင်းရင်းမြစ်များ

प्रेरितां रे कम्म 10:43

सब भविष्यद्वक्ता तिन्हेरी गवाई दिंदे, कि जे कोई तिन्हा पर विश्वास करगा, तिसजो मसीह यीशु रे जरिए पाप्पां री माफी मिलण।

फिलिप्पियों 3:9

अते मैं मसीह यीशु कने इक्क-मन होई करी रेयां, मेरी धार्मिकता मूसा रे कानूनां जो मनणे रे आधार पर नी है, पर ए धार्मिकता से है जे परमेश्वर मेरे जो मसीह यीशु बिच विश्वास करणे री वजह कने दिंदे।

गलातियों 3:8

ते ए बड़े पैल्ले का ही पवित्रशास्त्र बिच लिख्खेया गेया थिया कि परमेश्वर ने गैर यहूदियां जो तिन्हा बिच विश्वास करणे रे जरिये धार्मिक ठैहराणा। इधेरे तांइ पवित्रशास्त्र बिच परमेश्वर ने ए बड़े पैल्ले ही ए सुब बसेख अब्राहम जो दस्सी दित्ती थी, “तेरे जरिये मैं मेरे पर विश्वास करणे वाली सारी जातियां रे लोक्कां जो आशीष दैणी।”

रोमियों 5:19

किजोकी इक्क मणू रे परमेश्वर रे हुकम जो ना मनणे री वजह कने मते मणू पापी ठैहराए गे, तिय्यां ही इक्क मणू रे परमेश्वर रे हुकम जो मनणे री वजह कने मते मणू धार्मिक ठैहराए गे।

रोमियों 1:17

किजोकी सुब बसेख रे जरिये परमेश्वर तिस हर इक्क मणू जो धार्मिक बणांदे, जे पूरे तरिक्के कने सुब बसेख पर विश्वास करदे। जिय्यां कि भविष्यद्वक्ता ने पवित्रशास्त्र बिच भी लिख्खे रा है, “परमेश्वर जिस मणू जो धार्मिक बणांदे, से ही विश्वास रे जरिये जिन्दा।”

रोमियों 1:2

जिसेरा वादा तिन्हा ने मसीह यीशु रे आणे का बड़े पैल्ले ही पवित्रशास्त्र बिच अपणे भविष्यद्वक्तां रे जरिये कित्ता थिया।

प्रेरितां रे कम्म 15:11

इय्यां करणा सही नी है। असा रा ए मनणा है कि जिय्यां तिन्हा ने मसीह यीशु रे अनुग्रह कने छुटकारा पाणा, तिस्सी तरिक्के कने असी भी पाणा।

लूका 24:44

फिरी यीशु ने तिन्हा जो बोल्लेया, ए से गल्लां हिन जे मैं तुसा जो बोल्ली थिया, जां मैं तुसा कन्ने थिया, कि हर से गल्ल जे मेरे बारे बिच मूसा रे कानून बिच भविष्यद्वक्ता री कताबां बिच अते भजना री कताबां बिच लिख्खी दी हिन, से सब गल्लां पूरी होणी।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

1 पतरस 1:10

ए से ही अनुग्रह है जिसेरे बारे बिच भविष्यद्वक्तां होर भी जादा जाणना चाह्‍ंदे थिये। तिन्हा ने इस गल्ल री भविष्यवाणी कित्ती कि तुसा जो बचाणे तांइ परमेश्वर ने तुसा कने इन्नी करुणा करणे बर्ताव करणा जिसेरे तुसा काबिल भी नी थिये। तिन्हा ने जवाब तोपणे तांइ बड़े ध्यान कने खोज कित्ती थी।

गलातियों 5:5

किजोकी पवित्रात्मा री वजह कने असी विश्वास कने, आस कित्ते री धार्मिकता री भाल रखदे जे परमेश्वर ने तिन्हा लोक्कां जो दैणे रा वादा कित्ते रा ओ जे तिन्हा पर विश्वास करदे।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

प्रेरितां रे कम्म 26:22

पर परमेश्वर री मदद कने मैं अज्ज तांइ बणी रे रा है ते छोटे-बड्डे सबणी सामणे गवाई दिन्दा, ते तिन्हा गल्लां जो छड्डी करी होर किच्‍छ नी बोलदा जे भविष्यद्वक्ता ने अते मूसा ने भी बोल्लेया कि से होणे वालियां हिन,

यूहन्ना 1:45

फिलिप्पुस नतनएल कने मिलया कने तिसजो बोल्लेया, मूसा ते भविष्यद्वक्तां ने ते परमेश्वर रे कानून बिच जिसेरी चर्चा ने कित्ती री है, से असा जो मिली गेया, से यूसुफ रा पुत्तर, नासरत कस्बे रा यीशु है।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

1 कुरुन्थियों 1:30

पर परमेश्वर ने तुसा लोक्कां रा रिस्ता मसीह यीशु कने जोड़ेया, ते मसीह यीशु रे जरिये से असा जो अपणा ज्ञान दिंदे, परमेश्वर असा जो अपणी नजर बिच धार्मिक ठैहरांदे। असी मणू मसीह यीशु रे जरिये पवित्र ठैहराये गेरे हिन ते असा जो पाप का अजाद करदे।

रोमियों 9:30

तां फिरी असी कै बोलण? गैर यहूदी मणू परमेश्वर री नजरां बिच धार्मिक बणने री कोसीस नी करेया करदे थिये, पर परमेश्वर ने तिन्हा लोक्कां जो धार्मिक ठैहराया, किजोकी तिन्हा लोक्कां ने मसीह बिच विश्वास कित्तेया।

रोमियों 5:21

इक्क मणू रे पाप करणे री वजह कने मौत सारे लोक्कां बिच फैल्ली गई, पर असा रे प्रभु यीशु मसीह रे जरिए परमेश्वर रे अनुग्रह ने तिन्हा जो धार्मिक ठैहराणा ते तिन्हा जो हमेसा री जिन्दगी दैणी।

प्रेरितां रे कम्म 28:23

तां तिन्हा यहूदी अधिकारियां ने पौलुस कने मिलणे तांइ इक्क दिन चुणेया, ते मते सारे मणू तित्ते तिसका कठ्ठी गे, अते से परमेश्वर रे राज री गवाई दिन्दा, ते मूसा रे कानून अते भविष्यद्वक्ता री कताबां का यीशु रे बारे अन्दर समझाई-समझाई करी भ्यागा का लेई करी संझा तांइ गहराई कने दस्दा रेया

रोमियों 3:28

ते ए गल्ल साफ है कि परमेश्वर कुसकी भी मणू जो मूसा रे कानून ते नियमां जो मनणे कने नी पर मसीह बिच विश्वास करणे कने धार्मिक ठैहरांदे।

2 कुरुन्थियों 3:9

किजोकी जां कसुरवार ठैहराणे वाला, मूसा रे कानून महिमामय थिया, तां पक्के तौर पर धार्मिक ठैहराणे वाली नौई वाचा बिच होर भी जादा महिमामय होणी।