रोमियों 3:20 - चम्बयाली नौआ नियम

²⁰ किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

रोमियों 3:20 ပူးပေါင်းရင်းမြစ်များ

प्रेरितां रे कम्म 13:39

ते जिन्हा गल्लां कने तुसा मूसा रे कानून रे जरिए धार्मिक नी ठैहरी सकदे थिये, तिन्हा सबणी हर इक्क गल्ल कने इक्क विश्वास करणे वाला यीशु रे जरिए धार्मिक ठहरदा।

रोमियों 2:13

किजोकी मूसा रे कानून जो सुनणे वाले मणू नी, पर कानून जो मनणे वाले मणू धार्मिक ठैहराए जांदे।

रोमियों 3:28

ते ए गल्ल साफ है कि परमेश्वर कुसकी भी मणू जो मूसा रे कानून ते नियमां जो मनणे कने नी पर मसीह बिच विश्वास करणे कने धार्मिक ठैहरांदे।

रोमियों 4:13

परमेश्वर ने अब्राहम ते तिन्हेरे ‍खानदान कने वादा कित्तेया थिया तिन्हा ने दुनिया रे वारिस होणा, परमेश्वर ने अब्राहम कने ए वादा इधेरे तांइ नी कित्तेया, किजोकी तिन्हा ने मूसा रे कानून रा पालण कित्तेया, पर इधेरे तांइ किजोकी तिन्हा ने परमेश्वर बिच विश्वास कित्तेया थिया ते इस तांइ से धार्मिक ठैहराए गे।

रोमियों 4:15

किजोकी परमेश्वर ने तिस हर मणू जो सजा दैणी जे कानून जो पूरे तरिक्के कने नी मनदा। जित्ते कानून नी, तित्ते तिसेरा कोई उल्लंघन भी नी।

रोमियों 5:13

परमेश्वर रे मूसा जो कानून दैणे रे पैल्ले का भी पाप दुनिया बिच ता थिया, पर जित्ते मूसा रा कानून नी थिया, तित्ते पाप नी गिणेया गेया।

रोमियों 5:20

परमेश्वर ने लोक्कां जो मूसा रे जरिये कानून इधेरे तांइ दित्तेया गेया ताकि से जाणी सके कि से किन्ने पाप कने भरे रे थिये, पर जां मणू जादा का जादा पाप करणा लग्गे, तां परमेश्वर रा अनुग्रह भी जादा बदधी करी होया।

रोमियों 7:11

किजोकी पाप ने मूसा रे कानून रा फायदा चुक्की करी मेरे जो धोखा दित्ता, तिस ही पाप ने मेरे जो परमेश्वर का बखरा कर दित्ता।

रोमियों 9:32

इय्यां किजो नी होया? किजोकी से मणू परमेश्वर पर विश्वास करणे कने नी, पर मूसा रे कानून जो मन्नी करी धार्मिक ठैहरणा चाह्‍ंदे थिये। से मणू अपणे रस्ते बिच बड्डे बट्टे कने ठोकर खाई करी छुड़की पये।

1 कुरुन्थियों 15:56

मौत री ताकत पाप है, ते पाप री ताकत कानून है।

गलातियों 2:16

असी विश्वास करणे वाले यहूदी जाणदे कि कोई मणू मूसा रे कानून जो मनणे कने परमेश्वर री नजरां बिच धार्मिक नी ठैहरदा, पर सिर्फ यीशु मसीह पर विश्वास करणे रे जरिये धार्मिक ठैहरदा। इधेरे तांइ असी अप्पु भी मसीह यीशु पर विश्वास कित्तेया ताकि असी मूसा रे कानूनां जो मनणे रे जरिये नी पर मसीह यीशु पर विश्वास करणे रे जरिये ठेहरण, किजोकी कोई भी मूसा रे कानून जो मन्नी करी धार्मिक नी ठैहरी सकदा।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 5:4

तुसा मणू जे मूसा रे कानून जो मन्नी करी धार्मिक ठैहराणा चाह्‍ंदे, ते तुसा अप्पु जो मसीह यीशु का बखरा करी लित्तेया ते तुसा बिच परमेश्वर रा अनुग्रह नी रेया।

इब्रानियों 7:19

किजोकी मूसा रा कानून कुसकी जो भी सिद्व नी बणाई सकेया, पर तिस्सी समय पर, असा जो तिसका जादा ठीक आस दित्ती गयी, जे असा जो परमेश्वर रे करीब लै जाई सकदा।