रोमियों 3:2 - चम्बयाली नौआ नियम

² हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

रोमियों 3:2 ပူးပေါင်းရင်းမြစ်များ

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

प्रेरितां रे कम्म 7:38

ए से ही मूसा है, जिस ने बियाबान बिच इस्राएली मणूआं रे बिच-मझाटे तिस स्वर्गदूत कने सीने पहाड़ पर कने गल्लां कित्ती ते असा रे पूरखां कने थिया, तिसी जो जिन्दगी दैणे वचन मिल्ले कि असा तिकर पूजाए।

रोमियों 1:2

जिसेरा वादा तिन्हा ने मसीह यीशु रे आणे का बड़े पैल्ले ही पवित्रशास्त्र बिच अपणे भविष्यद्वक्तां रे जरिये कित्ता थिया।

रोमियों 2:18

ते ए जाणदा हो कि परमेश्वर री तेरे तांइ कै इच्छा है, ते जाणदा हो कि कै सही है, किजोकी तिज्जो कानून री शिक्षा दित्ती गे री है, ते खरी-खरी गल्लां जो पसंद करदा हो,

रोमियों 3:1

ते फिरी यहूदी बणने ते खतने कराणे रा कै फायदा?

रोमियों 3:3

जे अगर किच्‍छ यहूदी मणू परमेश्वर कने भरोसेमंद ना रे तां कै होया? तिन्हेरे भरोसेमंद ना होणे रे बावजूद भी परमेश्वर ने तिन्हा कने अपणे वादे जो पूरा करणे बिच भरोसेमंद रैह्णा।

रोमियों 9:4

से मणू मेरे सांई इस्राएल देस रे मणू हिन, से परमेश्वर रे गोद लित्ते री औलाद्दां बणने तांइ चुणे गे थिये, परमेश्वर ने तिन्हा पर अपणी महिमा ज़ाहिर कित्ती। तिन्हा ने तिन्हा लोक्कां कने वाचा बन्नी। तिन्हा जो परमेश्वर रा कानून, ते तिन्हेरी अराधना करणे रा सौभाग्य मिल्लेया।

1 कुरुन्थियों 9:17

जे अगर मैं अपणे मर्जी कने सुब बसेख रा प्रचार करां तां परमेश्वर ने मेरे जो ईनाम दैणा। पर जे अगर मैं ए अपणी मर्जी कने ना करां तां भी ए इक्क पवित्र जिम्मेदारी है जे परमेश्वर ने मेरे जो सौंप्पे री है।

2 कुरुन्थियों 5:19

इसेरा मतलब ए है कि परमेश्वर ने मसीह यीशु बिच होई करी अपणे कन्ने दुनिया रा मेल जोल करी लित्ता, ते लोक्कां रे पाप्पां रा इल्जाम तिन्हा पर नी लाया। ते ए ही मेल जोल कराणे रा से बसेख है, जे परमेश्वर ने लोक्कां जो सुनाणे तांइ असा जो सौंप्पे रा है।

गलातियों 2:7

पर इन्हा प्रधान मणूआं ने दिख्खेया कि जिय्यां परमेश्वर ने पतरस जो यहूदी लोक्कां जो सुब बसेख सुनाणे रा कम्म दित्ते रा है, तिय्यां ही मेरे जो भी गैर यहूदियां बिच सुब बसेख सुनाणे रा कम्म दित्ते रा है।

1 तीमुथियुस 6:20

ओ तीमुथियुस, इस जिम्मेदारी रा ध्यान रख्खे कि तू से कम्म जरुर करे जे करणे तांइ परमेश्वर ने तिज्जो चुणे रा है, मनघड़ंत ते खोखली गल्लां का दुर रेयो जे सुनणे बिच समजदारी री गल्लां लगदी।

इब्रानियों 5:12

हालाकी तुसा ने काफी लम्बे समय तिकर विश्वास ता कित्ता, ते तुसा जो अब्बे तिकर ता अपणे साथियां जो सिखाणे वाले भी बणी जाणा थिया, पर फिरी भी तुसा जो परमेश्वर रे बारे बिच असान गल्लां जो सिखणे बिच भी कुसकी री जरुरत पैंदी। तुसा री हालत ता कुसकी छोटे बच्चे सांई है, जिस जो दूद्द पुआणा पैंदा, किजोकी से हल्ले रोट्टी नी चबाई सकदा।

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 22:6

तिसका बाद, इक्क स्वर्गदूत ने मेरे जो बोल्लेया, “से सारी गल्लां सच हिन ते बड़े झट होणे वाली हिन। प्रभु परमेश्वर जे अपणी आत्‍मा सारे भविष्यद्वक्ता जो दिंदे, तिन्हा ने अपणे स्वर्गदूत जो इत्ते आई करी अपणे सेवादार जो ए दसणे रा हुकम दित्तेया कि जल्द ही कै होणे वाला है।”