रोमियों 3:19 - चम्बयाली नौआ नियम

¹⁹ असी जाणदे की मूसा रा कानून, जे किच्‍छ भी बोलदा, सिर्फ तिन्हा जो ही बोलदा जे तिस कानून थल्ले हिन, ताकि कोई भी मणू बहान्ने ना बणाई सके, ते परमेश्वर दुनिया रे सारे लोक्कां जो पापी ठैहराए ते तिन्हा जो सजा दे।

रोमियों 3:19 ပူးပေါင်းရင်းမြစ်များ

यूहन्ना 15:25

पर ए इधेरे तांइ होया कि से वचन पूरा हो जे पवित्रशास्त्र बिच लिख्खे रा है: तिन्हा ने बेकार ही मेरे कने नफरत कित्ती।

यूहन्ना 8:9

ए जाणदे होए कि से सारे ही पाप्पी हिन, इक्क-इक्क करी के, छोटे का लेई करी बड्डे तिकर सारे तिस जगाह् का चली गे, ते यीशु ते से जनानी तिस जगाह् पर किल्ले रेई गे।

रोमियों 1:20

परमेश्वर री ताकत ते स्वभाव दिख्खे नी जाई सकदे, पर दुनिया रे रचणे री सुरुआत का ही, परमेश्वर ने अप्पु ही इन्हा सारे गुण जो अपणे कम्मां रे जरिये ही दिखाए रा है, इधेरे तांइ इन्हा लोक्कां का अपणे तांइ कोई बहान्ना नी है कि से परमेश्वर जो नी जाणदे।

रोमियों 3:2

हाँ! इसेरे मते फायदे हिन। सबका पैल्ली गल्ल ता ए है कि तिन्हा पर परमेश्वर रे बसेख जो ज़ाहिर कित्ता गेया।

रोमियों 3:23

किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

रोमियों 3:4

हालांकि, हर कोई झूठ्ठा है, पर परमेश्वर हमेसा सच बोलदे। जिय्यां कि पवित्रशास्त्र बिच परमेश्वर रे बारे बिच लिख्खे रा है, “जिस कने तू अपणी गल्लां बिच सही साबित हो, ते लोक्कां रा हिसाब लिंदे बेल्ले तू जीत हासिल करे।”

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

1 कुरुन्थियों 1:29

परमेश्वर ने इधेरे तांइ कित्तेया ताकि तिन्हेरे सामणे कोई भी मणू घमंड ना करी सके।

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 4:21

तुसा जे मूसा रे कानून रे हिसाब कने जीणा चाह्‍ंदे, मेरी इक्क गल्ल सुणो, मैं तुसा जो दसदा कि मूसा रे कानून बिच कै लिख्खे रा है।

गलातियों 4:5

ताकि जे मणू मूसा रे कानून रे वस बिच रैह्णे वाले लोक्कां जो अजादी देई दे ते तिन्हा ने असा जो अपणे बच्चेयां सांई गोद लेई लित्ता।

गलातियों 5:18

ते जे अगर तुसा पवित्रात्मा रे कहे मुताबिक चलदे, तां तुसा जो मूसा रे कानून जो मन्नी करी चलणे री जरुरत नी है।