रोमियों 2:7 - चम्बयाली नौआ नियम

⁷ जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 2:7 ပူးပေါင်းရင်းမြစ်များ

मत्ती 25:46

ते तिन्हा पुठ्ठे पास्से वाले बुरे लोक्कां ने हमेसा बलणे वाली आग्ग बिच सजा भुगतणी पर, धार्मिक सीद्दे पास्से वाले लोक्कां ने हमेसा री जिन्दगी बिच चली जाणा।

लूका 21:19

पर सबर कने तुसा अपणी जिन्दगी बचाए रखणी।

लूका 8:15

पर से बीह् जे ठीक मिट्टी पर पे थिये, से तिन्हा मणूआं सांई हुन्दे, जे मन रे ठीक अते नेक, ते सच्चे मन कने परमेश्वर रे वचन जो सुणी करी तिन्हा पर चलदे ते तिन्हेरे सबर री वजह कने ही से खरा फल्ल लियान्दे।

यूहन्ना 4:36

फसल कटणे वाले जो बदिया मजूरी मिलदी, ते बाड्डी वाली फसल से मणू हिन जिन्हा जो से हमेसा री जिन्दगी बिच पूजांदे। बीह् बाणे वाले ते फसल कटणे वाले दोन्नां जो बड़ा वरी आनंद मिलणा!

यूहन्ना 5:44

तुसा इक्क-दुजे का बड़ाई चाह्‍ंदे, कने से बड़ाई जे इक्क मात्र परमेश्वर रे पासे का है, नी चाहंदे, कुस तरिक्के कने मेरा विश्वास करी सकगे?

रोमियों 2:10

पर परमेश्वर ने हर इक्क भला कम्म करणे वाले, पैल्ले यहूदी फिरी गैर यहूदी मणू जो महिमा, आदर ते सांती दैणी।

रोमियों 6:23

किजोकी पाप री मजदूरी ता मौत है, पर परमेश्वर री दान कने असा जो प्रभु यीशु मसीह रे जरिये हमेसा री जिन्दगी मिलदी।

रोमियों 8:18

मेरे जो ए गल्ल पक्के तरिक्के कने पता है कि इस बेल्ले असी जे दुख-तकलिफां सहन करेया करदे हिन, से तिस महिमा रे सामणे किच्‍छ भी नी है जे परमेश्वर असा जो दैणे वाले हिन।

रोमियों 9:23

परमेश्वर ने तिन्हा लोक्कां पर अपणी महिमा ज़ाहिर करी कित्ता, जिन्हा जो तिन्हा ने अपणी महिमा दैणे तांइ चुणेया थिया।

1 कुरुन्थियों 15:42

मुर्देयां रा जिन्दा होणा किच्‍छ इदेया ही है। जिस सरीर जो से मरणे का दब्बी दिंदे से सड़ी जांदा, पर जां से फिरी जिन्दा कित्तेया जाणा तां से इदेया बणी जाणा जे दुबारा कदी नी सड़णा।

1 कुरुन्थियों 15:50

ओ संगी विश्वासियों, मैं चाह्‍ंदा कि तुसा इस गल्ल जो जाणो कि असा रे हड्ड-मांस वाले ए सरीर सड़ी जाणे जिसेरा मतलब ए है कि से कदी परमेश्वर रे राज बिच वास नी करी सकदे जिनिये हमेसा-हमेसा तिकर रैह्णा ते नाशवान कदी अविनाशी नी बणी सकदा।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।

इफिसियों 6:24

जे असा रे प्रभु यीशु मसीह कने सच्चा प्यार करदे, तिन्हा सारेयां पर परमेश्वर रा अनुग्रह हुंदा रे।

कुलुस्सियों 1:27

किजोकी परमेश्वर ने चाएया कि तिन्हेरे मणू जाणे कि मसीह री शोहरत ते महिमा गैर यहूदियां तांइ भी है, ते से राज़ मसीह है, जे तुसा बिच वास करदे जे असा री परमेश्वर री महिमा बिच हिस्सेदार बणने री आस है।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

2 तीमुथियुस 1:10

पर अवे, मसीह यीशु जे असा जो छुटकारा दिंदे से दुनिया बिच आए ते तिन्हा ने असा पर अपणा अनुग्रह कित्तेया। तिन्हा ने मौत री ताकत जो हराई दित्ते रा है, ते असा जो दस्सेया कि सुब बसेख रे जरिये हमेसा री जिन्दगी रा रस्ता मिलदा जित्ते असा ने हमेसा तांइ इक्क सरीर बिच वास करणा।

इब्रानियों 2:7

“तुसां इन्सान जो स्वर्गदूतां का घट ही ताकतवर बणाए रा है, तुसा तिसजो इक्क राज्जे सांई महिमा ते आदर दित्ते रा है, ते तिसजो अपणे हत्थां रे कम्मां पर हक दित्ते रा है।

इब्रानियों 6:15

ते इस तरिक्के कने अब्राहम ने सबर करी के परमेश्वर रे वादे जो हासिल कित्ता।

1 यूहन्ना 2:25

जिसेरा वादा पिता परमेश्वर ने असा कने कित्ते रा थिया से हमेसा री जिन्दगी है।