रोमियों 2:6 - चम्बयाली नौआ नियम

⁶ परमेश्वर ने हर इक्क जो तिन्हेरे कम्मां रे हिसाब कने बदला दैणा।

रोमियों 2:6 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

रोमियों 14:22

तुसा ए विश्वास करदे होणे कि जे तुसा करदे से सही है, पर तिसजो अपणे ते परमेश्वर रे बिच रख्खो। धन्न है से जे अप्पु जो तिस गल्ल बिच मुजरिम नी ठैहरणा दिंदे जिस जो से सही समजदे।

1 कुरुन्थियों 3:8

मैं तुसा बिच मसीह रा बसेख सुणाया ते तुसा जो शिक्षा दैणा सुरु कित्तेया ते अप्पुल्लोस ने तुसा जो शिक्षा दैणा जारी रख्खेया पर असा दोन्नों रा इक्क ही मकसद है। पर हर इक्क जणे जो अपणे कम्मां रे हिसाब कने परमेश्वर का मजदूरी मिलणी।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

2 कुरुन्थियों 11:15

इधेरे तांइ इस गल्ल बिच कोई हैरानी नी है कि शैतान रे दास भी परमेश्वर री सेवा करणे वालेयां रे भेस बिच आंदे। तिन्हेरे कम्मां रे हिसाब कने तिन्हेरा खातमा होई जाणा।

2 कुरुन्थियों 5:10

किजोकी जरुरी है असा सारेयां रा हाल मसीह यीशु रे असा रा हिसाब-किताब करदे बेल्ले खुली जाए, की हर इक्क मणू अपणे भले-बुरें कम्मां रा बदला पाए जे तिन्हा ने सरीर रे जरिए कित्ते होण।

2 तीमुथियुस 4:14

सिकंदर ठठैरे ने मेरे जो मते तरिक्केयां कने मेरे जो दुखी कित्ते रा है। प्रभु ने तिसजो तिसेरे बुरे कम्मां रे हिसाब कने बदला दैणा।

प्रकाशित वाक्य 2:23

मैं तिन्हा लोक्कां जो मारी रखणा जे तिसेरी सीख पर चलदे, ते इस कने सारी कलीसिया रे मणूआं ने जाणी जाणा कि मैं इन्सान री सोच ते मकसद री छानबीन करदा। मैं तुसा बिच का हर इक्क जणे जो तिन्हेरे कम्मां रे हिसाब कने ईनाम दैणा।

प्रकाशित वाक्य 20:12

फिरी मैं मरे रे लोक्कां जो दिख्खेया, मैं खास ते आम लोक्कां जो तिस सिंहासन रे सामणे खड़ित्ते रे दिख्खेया। जिन्ने भी मणू समुंदर बिच डूब्बी करी मरे थिये, जिन्ने भी मणू तिस जगाह् बिच थिये जित्ते मरे रे मणू रैह्‍न्दे, से सारे तिस सिंहासन रे सामणे खड़ित्ते रे थिये। तिस कताब जो खोल्लेया गेया जिस बिच तिन्हा लोक्कां रे नां लिख्खे गेरे थिये जिन्हा जो कदी ना मुकणे वाली जिन्दगी थी। से कताब भी खोल्ली गयी जिस बिच लोक्कां रे कित्ते रे कम्म लिखित्ते रे थिये, ते हर इक्क जणे का तिन्हेरे कित्ते रे कम्मां रा हिसाब-किताब लित्तेया गेया।

प्रकाशित वाक्य 22:12

तां फिरी मसीह यीशु ने बोल्लेया, सुणो, मैं झट ही आणे वाला है। मैं हर इक्क मणू जो तिन्हेरे कम्मां रे हिसाब कने फल्ल दैणा।