रोमियों 2:5 - चम्बयाली नौआ नियम

⁵ पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

रोमियों 2:5 ပူးပေါင်းရင်းမြစ်များ

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

रोमियों 11:25

ओ संगी विश्वासियों, मैं चाह्‍ंदा कि तुसा इस भेद री गल्ल जो समजी जाओ ताकि तुसा जो अप्पु पर घमंड ना हो। इस्राएल रे किच्‍छ लोक्कां ने तां तांइ इदेया ही सख्त रैह्णा जां तांइ गैर यहूदी मणू पूरी तरिक्के कने मसीह बिच विश्वास नी करी लिंदे।

रोमियों 9:22

परमेश्वर अपणी ताकत ते गुस्सा तिन्हा लोक्कां पर ज़ाहिर करणा चाह्‍ंदे थिये जे मुकाई दित्ते जाणे रे जोग्गे थिये, पर इसेरे बजाए परमेश्वर तिन्हा लोक्कां कने सबर कने रे।

2 कुरुन्थियों 5:10

किजोकी जरुरी है असा सारेयां रा हाल मसीह यीशु रे असा रा हिसाब-किताब करदे बेल्ले खुली जाए, की हर इक्क मणू अपणे भले-बुरें कम्मां रा बदला पाए जे तिन्हा ने सरीर रे जरिए कित्ते होण।

2 थिस्सलुनीकियों 1:5

तुसा परमेश्वर तांइ दुख-मुसीबतां सहन करेया करदे हिन ते ए तुसा जो तिन्हेरे राज बिच जाणे रे लायक बणांदा। ए इस गल्ल रा सबूत है कि परमेश्वर ने धार्मिकता कने तुसा रा हिसाब-किताब करणा।

इब्रानियों 3:13

बल्कि हर रोज इक्क-दूए जो प्रोत्साहन देयो। पाप री वजह कने धोखा मत खांदे, ते कदी ढीठ मत बणदे। इधेरे तांइ हर रोज, इक्क-दूए जो हिम्मत बंधाओ।

इब्रानियों 3:15

जिय्यां कि पवित्रशास्त्र बिच लिख्खे गे रा है, “जे अज्ज तुसा परमेश्वर री अवाज सुणो, तां तिन्हेरी हुकम री ना-फरमानी मत करदे, जिय्यां कि गुस्सा दुआणे रे बेल्ले कित्तेया थिया।”

इब्रानियों 4:7

इधेरे तांइ परमेश्वर ने तिस अराम री जगाह् बिच जाणे रा इक्क दुआ समय तय कित्ता, ते से मौक्का “आज्‍ज” है। मते साल्लां बाद असा रे पूरखां ने परमेश्वर रे खिलाफ बगावत कित्ती, तिन्हा ने दाऊद रे जरिये पवित्रशास्त्र बिच इस गल्ल रा एलान भी कित्ते रा है, “जे अज्ज तुसा परमेश्वर री अवाज सुणो, तां तिन्हेरी हुकम री ना-फरमानी मत करदे,”

याकूब 5:3

तुसा रा सोन्ना ते चाँदी रा कोई मोल नी रेया। परमेश्वर रे न्याय करणे रे दिन पर तुसा रे कठेरे रा धन-दौलत ने तुसा रे खिलाफ सबूत होणा ते जिस धन-दौलत जो तुसा कठेरेया तिसने तुसा जो आग्ग सांई मुकाई दैणा।

2 पतरस 2:9

ए सारी चीजां जे परमेश्वर ने पैल्ले रे जमान्ने बिच कित्ते री हिन, ए जाहिर करदी कि प्रभु परमेश्वर ने तिन्हा लोक्कां जो सुरक्षित रखणा जे मणू भक्ति कने भरे री जिन्दगी जिन्दे, ते इस कने ए भी जाहिर हुंदा कि परमेश्वर ने दुष्ट लोक्कां जो अपणे हिसाब-किताब करणे रे दिन तिकर सजा दिंदे रैह्णा।

2 पतरस 3:7

पर परमेश्वर अपणे हुकम कने अब्बे री जमीन ते आसमान जो बचाया करदे हिन, ताकि तिसजो बाद बिच आग्ग कने मुकाई सके। से तिन्हा जो तिस दिन रख्खेया करदे हिन जां तिन्हा ने तिन्हेरे हुकम री ना-फरमानी करणे वाले लोक्कां का हिसाब-किताब लैणा ते तिन्हा जो सजा दैणी।

यहूदा 1:6

याद करो कि प्रभु ने किय्यां तिन्हा शैतान रे दूतां जो सजा दित्ती थी जे अपणी जिम्मेदारी जो नी निभाया पर इसेरे उलट तिन्हा ने अपणे तिस ओह्दे जो छड्डी दित्तेया जे परमेश्वर ने तिन्हा जो सौप्पेयां थिया। परमेश्वर ने इन्हा स्वर्गदूतां जो इक्क न्याहरी जगाह् बिच तिस दिन तिकर झंझिरां कन्ने बन्नी करी रख्खे रा है जां परमेश्वर ने तिन्हा जो गुनेह्गार ठैहराणा।

प्रकाशित वाक्य 2:21

मैं तिसजो तिसेरे पाप्पां का तौबा करणे का मौक्का दित्तेया पर से अपणे अनैतिक कम्म करणे का बाज नी आंदी।

प्रकाशित वाक्य 6:17

किजोकी से दिन आई गे रा है जां परमेश्वर ते “उरणू” ने सारे मणूआं जो तिन्हेरे पाप्पां तांइ सजा दैणी, ते कुसकी ने भी इस सजा जो सही नी सकणा।