रोमियों 2:3 - चम्बयाली नौआ नियम

³ ओ इल्जाम लाणे वाले लोक्कों, तुसा जे दुज्जेया पर इल्जाम लांदे ते अप्पु ही से कम्म करदे, तुसा कै ए समजदे कि परमेश्वर ने तुसा जो सजा नी दैणी?

रोमियों 2:3 ပူးပေါင်းရင်းမြစ်များ

मत्ती 23:33

तुसा जहरिल्ले कीड़े ते जहरिल्ले किड़ेयां रे बच्चेयां सांई खतरनाक हिन, तुसा किय्यां सोचदे कि तुसा नरक री आग्ग बिच सजा भोगणे का बची जाणा।

मत्ती 26:53

कै तू नी जाणदा की मैं अपणे पिता का बिनती करी सकदा, ते से स्वर्गदूतां री बारां पलटन का जादा अब्बे ही हाजिर करी सकदा।

लूका 12:14

यीशु ने जवाब दित्तेया, कि ओ मणू, तुसा री इन्हा गल्लां रा फैसला करणे वाला या बटवारा करणे वाला मेरे जो कुनिए बणाया?

लूका 22:58

थोड़ी देर बाद इक्क होर मणू तिसजो दिख्खी करी बोल्णा लगेया, तू भी तां इन्हा बिच का ही है, पतरस ने बोल्लेया, ओ भाई, मैं इन्हा बिच का नी है

लूका 22:60

पर, पतरस बोल्णा लगेया, ओ भाई, मेरे जो तां पता भी नी है कि तू कुसेरे बारे अन्दर गल्ल करेया करदा है जिय्यां ही तिन्ने ए गल्ल बोल्ली, तिस्सी बेल्ले मुर्गे ने बांग देई दित्ती

रोमियों 1:32

से ता परमेश्वर रे इन्हा धार्मिकता रे नियमां जो जाणदे कि इदेय-इदेय कम्म करणे वाले मौत री सजा रे जोग्गे हिन, ते फिरी भी ना सिर्फ इदेय कम्म करदे, पर इदेय कम्म करणे वालेयां का खुस भी हुदें। से ता जाणदे कि परमेश्वर इंसाफ करणा चाह्‍ंदे, ते इदेय कम्म करणे वाले मणू तिन्हेरी नजर बिच मौत री सजा रे जोग्गे हिन।

रोमियों 2:1

दूज्जेयां पर इल्जाम लाणे वाले लोक्कों, तुसा जे कम्म करदे तिस तांइ तुसा का कोई बहान्ना नी है किजोकी जिस गल्ल बिच तुसा दूज्जे लोक्कां पर इल्जाम लांदे, तिस बिच अप्पु जो गलत ठैहरांदे किजोकी तुसा दूज्जेयां पर जे इल्जाम लांदे, से ही कम्म अप्पु भी करदे।

रोमियों 2:2

असी जाणदे की परमेश्वर धार्मिक तरिक्के कने सारेयां रा हिसाब लिंदे, ते इदेय-इदेय कम्म करणे वालेयां जो परमेश्वर तिन्हा रे कम्मां रे हिसाब कने तिन्हा जो सजा दिंदे।

रोमियों 9:20

ना, इय्यां मत बोल। तू इक्क मामुली इन्सान होई करी, किय्यां परमेश्वर जो जवाब देई सकदा? कै मिट्टी जो अपणे बणाणे वाले कुम्हार का ए पूच्छणे रा हक है, कि तू मेरे जो इदेया किजो बणाया?

1 थिस्सलुनीकियों 5:3

जां मणू बोलदे होणे, सब ठीक है ते चिंता री कोई गल्ल नी है, तां चाणचक्के ही मुसीबतां ने तिन्हा पर इक्क-दम ही इय्यां आई पैणा जिय्यां कुसकी दुपराणी जनानी जो पीड़ां लग्गी पैंदी ते तिन्हा ने कुसकी भी तरिक्के कने तिस मुसीबत का नी बची सकणा है।

इब्रानियों 12:25

चुकन्ने रेयो, ते परमेश्वर री गल्ल सुनणे का इन्कार मत करो, जे तुसा कने गल्लां करदे। किजोकी इस्राएल रे मणू परमेश्वर री सजा का नी बची सके जां तिन्हा ने मूसा रे हुकम जो मनणे का इन्कार करी दित्ता थिया, जां तिसने इस दुनिया तिन्हा जो चितौणी दित्ती थी। साफ तौर असी भी तिन्हेरी गल्ल सुनणे का इन्कार करी के सजा का नी बची सकणा, जे स्वर्ग का गल्लां करदे।

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।