रोमियों 2:29 - चम्बयाली नौआ नियम

²⁹ पर सच्चा यहूदी से ही है जिसेरा मन परमेश्वर री नजरां बिच धार्मिक हो। ते सच्चा खतना सिर्फ मूसा रे कानून बिच लिख्खे री गल्लां जो मनणा ही नी है, पर परमेश्वर रे आत्‍मा रे जरिये अपणे दिल रा बदलणा है। इदेय मणू जो मणूआं रे पास्से का नी पर परमेश्वर रे पास्से का प्रशंसा मिलदी।

रोमियों 2:29 ပူးပေါင်းရင်းမြစ်များ

लूका 11:39

ते इस गल्ल पर प्रभु जी ने तिसजो जवाब दित्तेया, ओ फरीसियों, तुसा थाली ते कटोरी जो तां उपरा-उपरा का माँजदे, पर तुसा ही अन्दर का लालच अते बुराई कन्ने भरितेरी हिन

लूका 17:21

अते मणूआं ने ए नी बोल्णा, कि दिख्खो, इत्ते है, या उत्ते है किजोकी, परमेश्वर रा राज तुसा रे बिच् है

यूहन्ना 12:43

किजोकी मणूआं रे पास्से री बड़ाई उन्हा जो परमेश्वर रे पास्से री बड़ाई का जादा प्यारी थी।

यूहन्ना 4:23

पर से बेल्ला आणे वाला है हालांकि अब्बे भी है जिस बिच सच्चे भक्त बाबे री भक्ति आत्‍मा कने सच्चाई कने करणी किजोकी बाबा अपणे तांइ इदेए भक्तां जो तोपदा

यूहन्ना 5:44

तुसा इक्क-दुजे का बड़ाई चाह्‍ंदे, कने से बड़ाई जे इक्क मात्र परमेश्वर रे पासे का है, नी चाहंदे, कुस तरिक्के कने मेरा विश्वास करी सकगे?

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

रोमियों 2:27

हर इक्क मणू ने जिसेरा कदी खतना नी होया हो पर फिरी भी कानून जो मनदा हो, तुसा पर इल्जाम लाणा। हालांकि तुसा रा खतना भी होया ते तुसा का परमेश्वर रा कानून भी है पर तुसा फिरी भी तिसेरा पालण नी करदे।

रोमियों 3:1

ते फिरी यहूदी बणने ते खतने कराणे रा कै फायदा?

रोमियों 7:6

पर अवे असी कानूनां रे काबू बिच नी हिन जिस ने असा जो कैदियां सांई रख्खे रा थिया, किजोकी असी तिस तांइ मरी गेरे हिन। अवे असी परमेश्वर री सेवा कानूनां जो मनणे रे पुराणे तरिक्के कने नी, पर पवित्रात्मा बिच जीणे कने करी सकदे।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

1 कुरुन्थियों 7:19

कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 थिस्सलुनीकियों 2:4

पर जिय्यां परमेश्वर ने असा जो इस जोग्गे ठैहराई करी सुब बसेख दित्तेया, असी तैसा ही बखाण करदे, ते इस बिच मणूआं जो नी, पर परमेश्वर जो खुस करदे जे असा रे दिल री गल्लां जो जांचदे।

1 पतरस 3:4

निम्ते ते चुप्प रेई करी अपणे दिल का खूबसुरत बणो। इदेइ खूबसुरती हमेसा तांइ रेह्न्दी ते परमेश्वर री नजर बिच ए कीमती है।