रोमियों 2:27 - चम्बयाली नौआ नियम

²⁷ हर इक्क मणू ने जिसेरा कदी खतना नी होया हो पर फिरी भी कानून जो मनदा हो, तुसा पर इल्जाम लाणा। हालांकि तुसा रा खतना भी होया ते तुसा का परमेश्वर रा कानून भी है पर तुसा फिरी भी तिसेरा पालण नी करदे।

रोमियों 2:27 ပူးပေါင်းရင်းမြစ်များ

मत्ती 3:15

पर यीशु ने तिसजो ए जवाब दित्तेया, “इस बेल्ले इय्यां ही होणा दे, किजोकी असा तांइ सही ए है कि इय्यां ही सारी धार्मिकता जो पूरा करण तां यूहन्ना ने तिन्हेरी गल्ल मन्नी लेई।”

प्रेरितां रे कम्म 13:22

फिरी शाऊल जो राज्जे रे पद का हटाई करी दाऊद जो तिन्हेरा राज्जा बणाई दित्तेया, जिसेरे बारे बिच तिन्हा ने गवाई दित्ती, मेरे जो इक्क मणू यिशै रा निक्का दाऊद, मेरी मर्जी रे हिसाब कने चलणे वाला मिल्ली गेया तिन्ने ही जे मैं चाह्‍ंदा से पूरा करणा।

रोमियों 13:10

प्यार पड़ोसी री कोई बुराई नी करदा, इधेरे तांइ जे अगर असी प्यार करदे तां असी मूसा रे कानूनां जो पूरा करदे।

रोमियों 2:15

किजोकी से मणू अपणे जिन्दगी जीणे रे तरिक्के कने इस गल्ल जो साबित करदे कि कानून रे हुकम, तिन्हेरे दिल बिच लिखित्ते रे हिन। तिन्हेरा विवेक भी इस गल्ल रे बारे बिच गवाई दिंदा। तिन्हेरा विवेक तिन्हा जो कदी सही ते कदी गलत ठेहरांदा रैहन्दा।

रोमियों 2:20

ते तू ए सोचदा कि तू नासमझ लोक्कां रा शिक्षक, बच्चेयां जो परमेश्वर रा रस्ता सिखाणे वाला है। किजोकी तिज्जो इस गल्ल रा पूरा भरोस्सा है कि मूसा रा कानून तिज्जो हर गल्ल रा ज्ञान ते सच्चाई दिंदे।

रोमियों 2:25

जे अगर तू मूसा रे कानून पर चले, तां ता खतने रा फायदा है, पर जे अगर तू कानून जो नी मन्ने, तां तुसा खतना वाले यहूदी लोक, बगैर खतने वाले गैर यहूदियां रे ही बराबर हिन।

रोमियों 2:26

ते जे अगर बिना खतने वाले गैर यहूदी मणू कानून जो मन्ने, तां परमेश्वर ने तिन्हा लोक्कां जो खतना कित्ते रे लोक्कां रे बराबर ही दिखणा।

रोमियों 2:29

पर सच्चा यहूदी से ही है जिसेरा मन परमेश्वर री नजरां बिच धार्मिक हो। ते सच्चा खतना सिर्फ मूसा रे कानून बिच लिख्खे री गल्लां जो मनणा ही नी है, पर परमेश्वर रे आत्‍मा रे जरिये अपणे दिल रा बदलणा है। इदेय मणू जो मणूआं रे पास्से का नी पर परमेश्वर रे पास्से का प्रशंसा मिलदी।

रोमियों 3:30

किजोकी इक्क ही परमेश्वर है जिन्हा ने खतना वाले लोक्कां जो, ते बगैर खतना वाले लोक्कां जो भी मसीह बिच विश्वास करणे कने ही धार्मिक ठैहरांदे

रोमियों 8:4

तिन्हा ने ए इधेरे तांइ कित्ता ताकि असी अपणी मर्जी करणे रे बजाए, पवित्रात्मा री गल्ल मन्नी करी मूसा रे कानून जो पूरा करण।

1 कुरुन्थियों 7:19

कुसकी मणू रे खतना कराणा या ना कराणा कोई बड्डी गल्ल नी है, किजोकी परमेश्वर रे हुकमां जो मनणा ही सबका बड्डी गल्ल है।

2 कुरुन्थियों 3:6

तिन्हा ने असा जो परमेश्वर रे नौए वाचा रे सेवक होणे रे काबिल बणाए रा है, ए नौई वाचा मूसा रे कानून बिच लिख्खे री गल्लां रा नी है पवित्रात्मा रा है। किजोकी मूसा रे कानून पर ना चलणे पर ता मौत मिलदी, पर परमेश्वर री नौई वाचा रे जरिये पवित्रात्मा असा जो हमेसा री जिन्दगी दिंदा।

गलातियों 5:14

किजोकी मूसा रा पूरा कानून वस इक्क ही हुकम बिच पूरा होई जांदा कि “तू अपणे गुआडीं कने अप्पु सांई प्यार रख।”

इफिसियों 2:11

इधेरे तांइ याद रख्खो, कि तुसा पैदाइसी गैर यहूदी हिन ते यहूदी मणू तुसा रा इस गल्ल तांइ मजाक उड़ांदे। से इस गल्ल तांइ तुसा रा मजाक उड़ांदे किजोकी तिन्हेरा खतना होए रा है पर तुसा रा खतना नी होए रा है, पर तिन्हेरी ए रीति सिर्फ सरीर पर ही लागू हुंदी।

2 तीमुथियुस 3:15

तू बचपन का ही पवित्रशास्त्र बिच लिख्खे री गल्लां जो जाणदा, जे तेरे जो समझ देई सकदे कि तू मसीह बिच विश्वास करे ते छुटकारा पाए।

इब्रानियों 11:3

विश्वास कने ही असी जाणदे कि ब्रम्हांड परमेश्वर रे हुकम कने बणेया थिया। असी ए भी जाणदे कि जे चीजां असी दिख्खी सकदे, से अणदिख्खी चीजां बिच का बणी।