रोमियों 2:24 - चम्बयाली नौआ नियम

²⁴ जिय्यां कि पवित्रशास्त्र बिच लिख्खे रा भी है, “तुसां यहूदियां री वजह कने गैर यहूदी लोक्कां बिच परमेश्वर रे नां री बेजती कित्ती जांदी।”

रोमियों 2:24 ပူးပေါင်းရင်းမြစ်များ

मत्ती 18:7

अड़चणा री वजहा कने दुनिया पर लाणत है! रुकावट तां आणी ही हिन, पर लाणत तिस मणू पर जिसेरी वजह कने आंदी।

1 तीमुथियुस 5:14

इधेरे तांइ तिन्हा जो ब्याह करी लैणा चाएदा, ते बच्चे पैदा करी के ते घर-बार सम्भालणा चाएदा। तां कुसकी दुश्मण जो तिन्हेरे खिलाफ किच्‍छ बोलणे रे मौक्का नी मिलणा।

1 तीमुथियुस 6:1

जिन्ने भी विश्वासी मणू गुलाम हिन, तिन्हा जो अपणे मालिकां री पूरी तरिक्के कने हर गल्ल बिच इज्जत करणा चाएदी, ताकि गैर-विश्वासी मणू परमेश्वर री ते असा री सिखाए री शिक्षां री बेजती ना करे।

तीतुस 2:5

ते अप्पु जो काबू बिच रखणे वाली, अपणे लाड़ेयां कने ईमानदार, ते घर री जिम्मेदारियां निभाणे वाली, ते अपणे-अपणे लाड़े रे अधीन रैह्णे वाली होण, ताकि परमेश्वर रे बसेख री बेजती ना हो।

तीतुस 2:8

जां तू विश्वासियां जो सिखाए तां तू ठीक मकसद कने इस हिसाब कने सिखाए जिस कने मणू तेरी इज्जत करण। से ही सिखाओ जे सच है ते जिस पर कोई बहस ना करी सके ताकि तुसा रे दुश्मण शर्मिंदा होई जाण किजोकी तिन्हा का असा रे बारे बिच बोलणे तांइ किच्‍छ भी गलत नी होणा।

2 पतरस 2:2

परमेश्वर रे मते लोक्कां ने इन्हा झूठ्ठे शिक्षकां रे गलत कम्मां जो करणा, ते जे चीजां से मणू करदे, तिसेरी वजह कने लोक्कां ने सही रस्ते री बुराई करणी।