रोमियों 2:21 - चम्बयाली नौआ नियम

²¹ इधेरे तांइ जां तू दूज्जेयां जो सिखांदा, तां तू अप्पु जो किजो नी सिखांदा? तू जे चोरी ना करणे जो बोलदा, अप्पु ही चोरी करदा,

रोमियों 2:21 ပူးပေါင်းရင်းမြစ်များ

मत्ती 21:13

ते तिन्हेरे जो बोल्लेया, लिख्खे रा है कि मेरा घर प्रार्थना रा मन्दिर होणा पर तुसा तिसजो डाकुआं रा अड्डा बणादें।

लूका 11:46

यीशु ने तिस्जो बोल्लेया, कि ओ शास्त्रियों, तुसा पर भी लाणत है! तुसा लोक्कां तांइ नियमां रा इदेया बोझ बणाई दिदें जिस जो चुकणा भी मुस्किल है ते अप्पु तिसजो अपणी उंग्गल कने भी छुणा नी चाह्‍ंदे

लूका 12:47

से नौक्कर जे अपणे मालक री मरजी जाणदा हो पर तिय्यां नी करणे तांइ तैयार ना रैहन्दा हो ते तिय्यां नी कमांदा हो तां तैसे नौक्कर जो बड़ी बुरे हाल्ले मार पैणी।

लूका 19:22

से राज्जा तिस पर टुटी पेया, अते बोलणे लगेया, ओ नलायक नौक्करां मैं तेरी ही गल्लां का तिज्जो दोषी बणादा! जे तू मेरे बारे अन्दर इन्ना किच्‍छ जाणदा थिया कि मैं बुरा मणू है जे कि बांदा भी नी अते तिसजो कट्टी भी लिन्दा

लूका 4:23

फिरी यीशु ने तिन्हा जो बोल्लेया, तुसा ने मेरे बारे अन्दर ए कहावत तां जरुर बोल्णी, ओ वैद्दा, पैल्ले अप्पु जो तां खरा करी लै ते जे किच्‍छ असा ने तेरे बारे अन्दर सुणे रा है, कि तैं कफरनहूम कस्बे अन्दर बड़े चमत्कार कित्ते रे हिन, से सब किच्‍छ अवे अपणे देस अन्दर भी कर

1 कुरुन्थियों 9:27

मैं अपणे सरीर जो कड़े अभ्यास कने काबू बिच रखदा ताकि मैं बुरी इच्छां जो अपणे वस बिच रख्खी सकां। कुते इय्यां ना हो कि मैं जे दूज्जेयां जो प्रचार करेया करदा है, अप्पु ही परमेश्वर का प्रतिफल ना पां।

गलातियों 6:13

किजोकी यहूदी विश्वासी जो अप्पु ता मूसा रे कानून पर नी चलदे, पर तुसा रा खतना इधेरे तांइ कराणा चाह्‍ंदे कि तुसा रे सरीर री हालत पर घमंड करण।