रोमियों 2:2 - चम्बयाली नौआ नियम

² असी जाणदे की परमेश्वर धार्मिक तरिक्के कने सारेयां रा हिसाब लिंदे, ते इदेय-इदेय कम्म करणे वालेयां जो परमेश्वर तिन्हा रे कम्मां रे हिसाब कने तिन्हा जो सजा दिंदे।

रोमियों 2:2 ပူးပေါင်းရင်းမြစ်များ

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

रोमियों 2:1

दूज्जेयां पर इल्जाम लाणे वाले लोक्कों, तुसा जे कम्म करदे तिस तांइ तुसा का कोई बहान्ना नी है किजोकी जिस गल्ल बिच तुसा दूज्जे लोक्कां पर इल्जाम लांदे, तिस बिच अप्पु जो गलत ठैहरांदे किजोकी तुसा दूज्जेयां पर जे इल्जाम लांदे, से ही कम्म अप्पु भी करदे।

रोमियों 2:3

ओ इल्जाम लाणे वाले लोक्कों, तुसा जे दुज्जेया पर इल्जाम लांदे ते अप्पु ही से कम्म करदे, तुसा कै ए समजदे कि परमेश्वर ने तुसा जो सजा नी दैणी?

रोमियों 2:5

पर किजोकी तुसा ढीठ हिन ते अपणे पाप्पां का तौबा करणे का इन्कार करणे कने तुसा अपणे तांइ बड़ी वरी सजा कठेरेया करदे हिन। किजोकी परमेश्वर रे गुस्सा करणे रा से दिन आया करदा है, जा तिन्हेरा धार्मिक इन्साफ लोक्कां पर ज़ाहिर होणा।

रोमियों 9:14

तां फिरी असी कै बोलण? कै परमेश्वर तिन्हा जो चुनणे बिच ना नाइन्साफी करदे जिन्हा जो से चुणना चाह्‍ंदे? बिल्कुल भी नी।

प्रकाशित वाक्य 16:5

तां मैं पाणी रे स्वर्गदूत जो परमेश्वर जो ए बोलदे सूणेया, ओ पवित्र परमेश्वर जे हिन, जे थिया, तू सारेयां रा सच्चा हिसाब करदा, ते तुसा ने सही हिसाब-किताब कित्तेया।

प्रकाशित वाक्य 19:2

किजोकी तिन्हेरे फैसले सच्चे ते ठीक हिन तिन्हा ने तिस बड्डी वेश्या रा, जे अपणे व्यभिचार कने धरती जो भ्रष्ट करदी थी, इंसाफ कित्ता ते तिसका अपणे दासां रे खून रा बदला लित्तेया।