रोमियों 2:19 - चम्बयाली नौआ नियम

¹⁹ ते तिज्जो अपणे पर ए होंसला हो, कि तू तिन्हा लोक्कां जो परमेश्वर रा रस्ता दिखांदा, जे अन्नेयां सांई परमेश्वर रे रस्ते का भटकी गेरे हिन, ते तू न्याहरे बिच पेरे लोक्कां तांइ रौसनी सांई है।

रोमियों 2:19 ပူးပေါင်းရင်းမြစ်များ

मत्ती 15:14

तिन्हा जो छड्डो से तां अप्पु अन्ने होई करी दूज्जे अन्ने जो रस्ता दसणे वाले हिन, इन्हा दोनां ने ही गत्ता बिच पेई जाणा।

मत्ती 4:16

जे मणू न्याहरे बिच जिया करदे थिये तिन्हा ने इक्क महान ज्योति दिख्खी, अते जे मणू मौत रे साये बिच रैह्‍न्दे थिये उन्हा पर से ज्योति चमकी।”

मत्ती 5:14

तुसा दुनिया रे लोक्कां तांइ इक्क लौ सांई हिन, इक्क इदेया सहर जे पहाड़ पर बस्से रा है, जे लूकाया नी जाई सकदा।

मत्ती 6:23

पर जे तेरे दिखणे रा नजरिया बुरा हो, तां ए इदेया होणा जिय्यां तुसा रा पूरा सरीर न्याहरे कने भरे रा हो, इधेरे तांइ से रौसनी जे तेरे अन्दर है जे, से अगर हकीकत बिच अगर न्याहरी होई जाओ तां से न्याहरा कदेया ड्रोणा होणा!

मरकुस 10:15

मैं तुसा कने सच बोलदा कि जे कोई परमेश्वर रे राज जो छोटे बच्चेयां सांई अपनादां, से ही परमेश्वर रे राज बिच जाई सकदा।

लूका 1:79

जे मणू परमेश्वर जो नी जाणदे से इदेय हिन कि जिय्यां से मौत रे साये बिच बैठ्ठे रे हिन, ते हमेसा री मौत री खतरे बिच हिन जे कि नरक है, इधेरे तांइ परमेश्वर री रौसनी तिन्हा लोक्कां जो परमेश्वर रे सांती रे रस्ते पर लेई चलणा।

यूहन्ना 9:34

तिन्हा ने तिसजो जवाब दित्ता, तू तां बिल्कुल पाप्पां बिच जम्मे रा है, तू असा जो कै सिखान्दा? ते तिन्हा ने तिसजो बाहर कड्डी दित्ता।

प्रेरितां रे कम्म 26:18

ताकि तू तिन्हेरी आख्खियां खोल्ले जिस कने से न्याहरे का रौसनी पास्से, ते शैतान रे अधिकार का निकली करी परमेश्वर पास्से फिरी जाण ताकि से तिन्हेरे पाप्पां जो माफ करण ते से मणू तिन्हा मणूआं कने जगाह् हासिल करण जे मेरे पर विश्वास करणे कने पवित्र कित्ते गेरे हिन।

रोमियों 2:18

ते ए जाणदा हो कि परमेश्वर री तेरे तांइ कै इच्छा है, ते जाणदा हो कि कै सही है, किजोकी तिज्जो कानून री शिक्षा दित्ती गे री है, ते खरी-खरी गल्लां जो पसंद करदा हो,

रोमियों 2:20

ते तू ए सोचदा कि तू नासमझ लोक्कां रा शिक्षक, बच्चेयां जो परमेश्वर रा रस्ता सिखाणे वाला है। किजोकी तिज्जो इस गल्ल रा पूरा भरोस्सा है कि मूसा रा कानून तिज्जो हर गल्ल रा ज्ञान ते सच्चाई दिंदे।

1 कुरुन्थियों 3:18

जे अगर तुसा बिच कोई अप्पु जो इस जुग रे लोक्कां री नजर बिच अप्पु जो समजदार समजे तां अप्पु जो इस जमाने रे लोक्कां री नजर बिच बेवकूफ भी समजे ताकि तुसा परमेश्वर री नजर बिच भी समजदार बणो।

1 कुरुन्थियों 4:10

मणू असा जो बेवकूफ समजदे किजोकी असी मसीह यीशु रे बारे बिच प्रचार करदे, पर तुसा जो इय्यां लगदा कि तुसा बड़े वरी समजदार विश्वासी हिन। मते लोक्कां जो लगदा कि असा का कोई हक नी है, पर तुसा बड़े घमंड कने बोलदे कि तुसा जो परमेश्वर का हक मिल्ले रा है। मणू असा री इज्जत नी करदे, पर से तुसा री बड़ी इज्जत करदे।

फिलिप्पियों 2:15

ताकि इस दुनिया रे बुरे ते भ्रष्ट लोक्कां बिच परमेश्वर रे बच्चेयां सांई इक्क ठीक ते साफ जिन्दगी जियो। इस दुनिया रे लोक्कां बिच मझाटे जिन्दगी रे वचन बिच मजबूत होई करी आसमान रे तारेयां सांई चमको।