रोमियों 2:17 - चम्बयाली नौआ नियम

¹⁷ जां की तू अप्पु जो यहूदी दसदा, ते मूसा रे कानून पर विश्वास रखदा, ते ए घमंड करदा कि तू परमेश्वर रे खास लोक्कां बिच का है।

रोमियों 2:17 ပူးပေါင်းရင်းမြစ်များ

मत्ती 3:9

अते अपणे-अपणे मनां अन्दर ए मत सोच्चो कि असा रा प्यो अब्राहम है, किजोकी मैं तुसा जो बोलदा, कि परमेश्वर इन्हा बट्टेयां बिच का भी अब्राहम तांइ औलाद पैदा करी सकदा।

लूका 10:28

यीशु ने बोल्लेया, तैं ठीक जवाब दित्तेया इतणा ही करेया कर, तां तिज्जो हमेसा री जिन्दगी मिली जाणी।

यूहन्ना 5:39

तुसा पवित्रशास्त्र जो पढ़दे किजोकी सोचदे कि तिस बिच तुसा जो हमेसा री जिन्दगी मिलदी ते ए ही है जे मेरी गवाई दिंदा।

यूहन्ना 5:45

इय्यां मत समझो कि मैं बाबे रे सामणे तुसा पर दोष लगांगा, तुसा पर दोष लगाणे वाला तां मूसा है जिस पर तुसा आस लाई करी बैठ्ठे रे हिन।

यूहन्ना 7:19

मूसा ने तुसा जो कानून दित्तेया पर तां भी तुसा बिच का कुसकी ने परमेश्वर रे कानून जो नी मन्नेया पर तुसा मेरे जो मारणे री कोसीस करेया करदे हिन।

यूहन्ना 8:33

तिन्हा ने उन्हा जो जवाब दित्ता, असी तां अब्राहम रे ‍खानदान का हिन, ते कदी कुसकी रे गुलाम नी होए, फिर तुसा किय्यां बोलदे की तुसा अजाद होई जाणा?

यूहन्ना 8:41

तुसा अपणे प्यो सांई कम्म करदे, तिन्हा ने उन्हेरे जो बोल्लेया, असी हल्ड़ नी जम्मे, असा रा इक्क प्यो है, मतलब परमेश्वर।

रोमियों 2:23

तू जे अप्पु का परमेश्वर रा कानून होणे बिच घंमड करदा, तिसजो ना मन्नी करी परमेश्वर रा अनादर करदा।

रोमियों 3:27

फिरी असा तांइ धार्मिकता पर घमंड करणा बिल्कुल ही नामुमकिन है किजोकी परमेश्वर असा रे पाप्पां रे लेखे-जोखे जो मूसा रे कानून जो मनणे री वजह कने नी पर मसीह बिच विश्वास करणे री वजह कने मिटांदे।

रोमियों 9:32

इय्यां किजो नी होया? किजोकी से मणू परमेश्वर पर विश्वास करणे कने नी, पर मूसा रे कानून जो मन्नी करी धार्मिक ठैहरणा चाह्‍ंदे थिये। से मणू अपणे रस्ते बिच बड्डे बट्टे कने ठोकर खाई करी छुड़की पये।

2 कुरुन्थियों 11:22

कै से इब्रानी मणू हिन? मैं भी इब्रानी मणू है। कै से इस्राएली मणू हिन? मैं भी इस्राएली मणू है। कै से अब्राहम रे वंश रे हिन? मैं भी अब्राहम रे वंश रा है।

गलातियों 2:15

असी गैर यहूदी लोक्कां सांई पाप्पी नी हिन जदेया कि यहूदी मणू तिन्हेरे बारे बिच बोलदे, पर असी पैदा हुंदे का ही यहूदी हिन।

इफिसियों 2:11

इधेरे तांइ याद रख्खो, कि तुसा पैदाइसी गैर यहूदी हिन ते यहूदी मणू तुसा रा इस गल्ल तांइ मजाक उड़ांदे। से इस गल्ल तांइ तुसा रा मजाक उड़ांदे किजोकी तिन्हेरा खतना होए रा है पर तुसा रा खतना नी होए रा है, पर तिन्हेरी ए रीति सिर्फ सरीर पर ही लागू हुंदी।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।

प्रकाशित वाक्य 3:1

तिनिये मेरे जो बोल्लेया, “सरदीस सहर रे कलीसिया रे स्वर्गदूत जो ए चीठ्ठी लिख्ख, मैं अपणे सज्जे हत्थ बिच सत्त तारेयां जो थाम्मि करी रख्खे रा है, ते मैं ही तिन्हा सत्त दियां रे धूपदान रे बिच-मझाट्टे घूमदा-फिरदा। मैं तुसा जो ए बोलदा, मैं तेरे कम्मां जो जाणदा। दिखणे बिच ता तू मेरा भरोस्सेमंद विश्वासी लगदा पर अवे तू मेरे कहे मुताबिक नी चलदा।

प्रकाशित वाक्य 3:9

सुणो, तुसा बिच मझाटे किच्‍छ शैतान रे गुट रे मणू हिन जे यहूदी होणे रा दावा ता करदे पर से हकीकत बिच यहूदी नी हिन ते से झूठ बोल्लेया करदे हिन। मैं तिन्हा लोक्कां जो तुसा रे पैरां पर पैणे तांइ मजबूर करी दैणा ते तिन्हा ने जाणी लैणा कि मैं तुसा कने प्यार करदा।